‘दुई/तीन मिनेटमा राजा विरेन्द्रको परिवार सिद्धिसकेको थियो’

विवेक कुमार साह,विरेन्द्रका सैनिक सचिव

  • सत्य छानबिन भए ज्ञानेन्द्र चोखिने मौका पाउँथे ।
  • दीपेन्द्रको कोठामा ५ /७ वटा राईफलहरु हुन्थ्यो । उहाँको मोटरमा पनि हतियार हुन्थ्यो ।
  • त्यो हतियारले एक मिनेटमा एक हजार राउन्ड फायर गर्छ । यस्तो सोफेस्टीकेटेड हतियारहरु छन् । घटना त २/४ मिनेटमै सकिएको छ ।
  • ‘म राजा भएन भने कोही पनि हुन्न’ दिपेन्द्र भन्नुहुन्थ्यो । विरेन्द्रको पोस्टमार्टम गर्न गिरिजा पनि तयार हुनुभएन ।
    तत्काल एडिसीले किन रियक्ट गर्न सकेन ?


काठमाडौं ।  तत्कालिन राजा विरेन्द्र साह नेपाली जनमानसमा लोकप्रिय  थिए । तर उनै विरेन्द्र सम्पूर्ण परिवारको २०५८ साल जेठ १९ गते आजकै दिन निर्ममता पूर्वक हत्या भयो । पटक–पटक सरकार बनेपनि उक्त हत्याकाण्डबारे नेपाली जनताले चित्त बुझ्दो जवाफ पाउन सकेका छैनन् । २ तत्कालिन राजदरबार सुरक्षाको जिम्मा लिएका प्रमुख सैनिक सचिव विवेक कुमार साह दरबार हत्याकाण्डलाई ‘राष्ट्रिय अन्तराष्ट्रिय खेलको रुपमा बुझाउँछन् । २५ वर्ष राजदरबार सुरक्षामा रहेका उनै साहसँग दरबार हत्याकाण्डबारे दियोपोस्टका लागि सुदीप विश्वकर्माले गरेको कुराकानीको सम्पादीत अंश :

दरबार हत्याकाण्डलाई कसरी स्मरण गर्नुहुन्छ ?

त्यो घटना कल्पना नै गर्न नसकिने घटना थियो । साथसाथै नेपालको इतिहासमा एउटा युगान्तकारी घटना पनि थियो । यो घटनाले मुलुक गणतन्त्रमा जाने आधार तयार गर्‍यो । त्यसले नेपालको दुई सय पचास वर्षको ईतिहासलाई दखल पुर्‍यायो ।

 त्यो दिनबारे कुनै तस्विर अहिले याद छ ?
त्यो सोचभन्दा बाहिरको दृष्य हो । दिमाग खाली हुन्छ । कुनैपनि मान्छेको सोच भन्दा बाहिरको कुरा हो । ‘त्यस्तो पनि हुने रहेछ जस्तो लाग्छ ।
दरबार हत्याकाण्डको करिब १६ वर्ष लाग्दा पनि घटनाको कारण भने रहस्यमै छ । तपाईंले आफ्नो पुस्तक, ‘मैले देखेको दरबारमा’ घटनामा तत्कालिन युवराज दिपेन्द्र साहको चरित्रलाई दोष दिनुभएको छ । उहाँलाई अन्तराष्ट्रिय शक्तिले उक्साएको समेत संकेत गर्नुभएको छ । को हुन् ती शक्ति ?

एउटा सिक्काको दुईटा पाटो जस्तै कुनै पनि घटनाको दुई पाटो हुन्छ । जनसमक्ष आएको उक्त घटनाबारे उच्च स्तरिय आयोगले पनि छानबीन गरिसकेको छ । तर, त्यो घटना किन भयो त्यसको लामो सिक्वेन्स के हो ? त्यो कुरा हेरफेर गर्नुपर्छ । त्यो हामीसँग छैन । युएनको माध्यमबाट होस् या अन्यबाट अनुसन्धान भयो दरबार वा ज्ञानेन्द्रले चोखिने मौका पाउनुहुन्छ । जसलाई आक्षेप लाग्ने गरेको छ । त्यसबाट दरबारले मुक्ती पाउँथ्यो । यो कुरा मैले ज्ञानेन्द्रलाई पनि पटक–पटक जाहेर गर्ने गरेको छु ।

BIBEK-SHAHA_20101227084714

विवेक कुमार साह


किन राजा तयार भएनन् ?
तत्कालीन अवस्थामा भएको उच्च स्तरिय आयोगले छानबिन गरेको कारण पनि हुन सक्छ । आयोगले गरे पुगि हाल्छ नी भन्ने भयो की ?

तर त्यो आयोगले गरेको छानबिनमाथि नेपाली जनताले विश्वास गर्न सकेका छैनन् । त्यो आशंका अहिलेपनि कायम छ । छानबिनमा कमजोरी थिएन र ?

उहाँहरुलाई छानविन गर्ने बेलामा हामीले सहयोग गरेको हो । तर आयोगसँग प्राविधिक विज्ञहरु थिएनन् ।

राज्य नै लाग्दा पनि किन प्राविधिक विज्ञ पनि ल्याउन सकेन ?

सरकारले चाह्यो भने जहाँबाट पनि ल्याउन सक्थ्यो । त्यसैले त गिरिजाले सधै भन्ने गर्नुहन्थ्यो ‘ग्रयान्ड डिजाईन’ । यो भनेर नै उहाँ जानुभयो । सायद उहाँले केही थाहा पाउनुभएको थियो की ?
अहिले आएर मेरो किताव पनि आयो । केही कुराहरु थाहा पाए । दिपेन्द्रको चरित्र वा अन्य विषयमा पनि थाहा पाए । त्यसपछिका राजनीतिक घटनाक्रम राजसंस्था नै ढल्यो । नयाँ मान्छेहरु प्रमुख भूमिकामा आए । त्यसले कतै न केही थियो भन्ने देखाउँछ ।

भारतका मन्त्रीहरुले नै नेपालको प्रधानसेनापति प्रकरणमा हाम्रो समर्थन थियो भनेका कुराहरु पनि आइरहेको छ । अथवा १२ बुँदे सहमति पनि भारतले नै गराएको हो भनेर नेपाली नेताहरु नै भन्नुहुन्छ । यो घटनाले कुनै न कुनै संकेत गर्छ । कालान्तरमा गएर मदन भण्डारीको दुर्घटनाकाण्ड पनि यहि सिरीजमै जोडिएको छ ।


यो घटनाको कारण कुन शक्ति हुनसक्छ ?

दरबार छोडेपछि मैले अन्तरवार्तामा  भनेको थिएँ, ‘घटनाक्रम समयसँगै आउला । अब कतिपय कुराहरु रिभेल होलान् ।’ केही न केही त अहिले आईरहेको छ । जस्तो राजसंस्था नै गयो । यो अस्थिरता कायम भएको ८/१० वर्ष पनि भैसक्यो । भारतका मन्त्रीहरुले नै नेपालको प्रधानसेनापति प्रकरणमा हाम्रो समर्थन थियो भनेका कुराहरु पनि आइरहेको छ । अथवा १२ बुँदे सहमति पनि भारतले नै गराएको हो भनेर नेपाली नेताहरु नै भन्नुहुन्छ । यो घटनाले कुनै न कुनै संकेत गर्छ । कालान्तरमा गएर मदन भण्डारीको दुर्घटनाकाण्ड पनि यहि सिरीजमै जोडिएको छ ।

तपार्इंले संकेत गर्नुभएको भारत हो नी होईन ?

नेपालमा जसको ‘ईन्ट्रेस्ट’ छ । नेपाललाई केही शक्ति राष्ट्रहरु आफ्नो योजनामा पार्न चाहान्छन् ।

त्यतिबेला तपाईं सैनिक सचिव हुनुहुन्थ्यो, दरबार भित्र आउने सुचनाको मुख्य केन्द्र पनि तपार्इं नै हुनुहुन्थ्यो किन अन्तर्राष्ट्रिय शक्ति केन्द्रको  चलखेलको कुनै संकेत पाउनुभएन ?

त्यतिबेला आन्तरिक द्वन्द थियो । धेरै स्रोतहरु, नै द्वन्द्वको आउँथ्यो । तर मदन भण्डारीको दुर्घटनाकाण्डको संकेत होकी जस्तो लाग्छ ।

मदन भण्डारीको दुर्घटनापछि दरबार हत्याकाण्ड हुनु नै तथ्य हो । पटक–पटक आयोग बन्यो तर निचोड आएन । दरबार हत्याकाण्डको दोष राजा ज्ञानेन्द्रलाई आयो तर आयोगको छाबिनले अर्कै देखायो । त्यस्तै मदन भण्डारी हत्याकाण्डको छानबीन गर्न एमालेका नेताहरु किन चाहाँदैनन् ? जे भएको थियो त्यो राष्ट्रको विरुद्ध भएको थियो । यसमा विज्ञहरु ल्याएर छानबिन किन नगर्ने ? त्यस्तो लोकप्रीय व्यक्तिहरुलाई सिनबाट हटाएर को आए ? कसलाई फाईदा भयो देखिहाल्नुभएको छ ।


यो घटनासंग जोडिने केहि तथ्य छन् ?

मदन भण्डारीको दुर्घटनापछि दरबार हत्याकाण्ड हुनु नै तथ्य हो । पटक–पटक आयोग बन्यो तर निचोड आएन । दरबार हत्याकाण्डको दोष राजा ज्ञानेन्द्रलाई आयो तर आयोगको छाबिनले अर्कै देखायो । त्यस्तै मदन भण्डारी हत्याकाण्डको छानबीन गर्न एमालेका नेताहरु किन चाहाँदैनन् ? जे भएको थियो त्यो राष्ट्रको विरुद्ध भएको थियो । यसमा विज्ञहरु ल्याएर छानबिन किन नगर्ने ? त्यस्तो लोकप्रीय व्यक्तिहरुलाई सिनबाट हटाएर को आए ? कसलाई फाईदा भयो देखिहाल्नुभएको छ ।

http://www.liveworldtours.com/index.html

घटना भएको दिन तपाईंलाई कुनै सुचना नुहुनु तपाईंले एकैपटक राजा विरेन्द्रलाई अस्पतालमा देख्नु, यो त अनौठो भएन र ? आफै सैनिक सचिव आफैलाई केही थाहा नहुने किन ?

मेरो ड्युटी १०–५ थियोे । दरबारको आफ्नै रितिरिवाज छ । यो नबुझ्नेलाई यो लाग्नु स्वभाविक हो । त्यत्तिका हतियार कसरी आए जस्तो लाग्छ । तर, राजा महेन्द्रकै पालादेखि उहाँले आफ्नो कोठामा हतियार राख्नु हुन्थ्यो । राजकुमारले हतियार प्रयोग गर्ने चलन बढ्यो । आर्मी ट्रेनिङ गर्ने, आफैले नयाँ हतियार प्रयोग गरियो । त्यतिबेला अमेरिकन राईफल एचके ३६ को परिक्षण भईरहेको थियो । महिनाको एकचोटी त दरबारमा फायरिङ हुन्थ्यो । हतियार टेस्ट गर्न युवराज पनि आउँनुहुन्थ्यो । युवराजको कोठामा ५ /७ वटा राईफलहरु हुन्थ्यो । उहाँको मोटरमा पनि हतियार हुन्थ्यो । हामीले कमेन्ट गर्न सक्ने हालत थिएन । महाराजधिराजले आफैले नै ‘यसो गर उसो गर भनेर उहाँलाई ‘इनकरेज’ गर्नुहुन्थ्यो । यो चलन अरुलाई थाहा हुने कुरा भएन । तर मलाई तपाईंको प्रश्नमा अचम्म लाग्दैन ।
 दिपेन्द्रलाई मात्रै दोष दिएर कसरी उन्मुक्ति पाउनुहुन्छ ?

दरबार भित्रै हतियार राख्ने परम्परा थियो । त्यसमा हामीले प्रश्न गर्ने अधिकार थिएन । मुख्य मान्छे महाराजधिराजले न ‘अथोरीटी’ दिएपछि हामी तलको मान्छेले ‘यो हतियार बढी भयो यसलाई यतै कोतमा राख्ने होकी भन्ने एउटा कुरा हो ।

taranath ranabhat

 छानबीनको क्रममा युवराज दीपेन्द्रले चलाएको हतियार सार्वजनिक गर्दै तत्कालिन सभामुख तारानाथ रानाभाट 


हतियार प्रयोग नगर्न तपाईंले सुझाव दिनुभएन ?

मैले मात्रै होईन म भन्दा अगाडीकाले पनि दिएका थिए । त्यस्तो अरु देशमा पनि गरिन्छ । विषेश गरेर राजसंस्थासँग सम्बन्धितहरुले सुरक्षाको लागि राखेका हुन्छन् । आफ्नो सुरक्षाको लागि जसले पनि राख्न पाउँछ । अमेरिकामा ३ सय मिलीयन हतियारहरु आम नागरिककै हातमा छ, त्यहाँको सिस्टम नै त्यस्तै छ । हामीलाई यहाँ १२ बोर र टुटु राख्नलाई दुनियाँ गर्नुपर्छ । हतियार किन्ने पसल पनि छैन । त्यो हाम्रो सिस्टम हो । यहाँ युवराजले आफ्नो घरमा राख्नु कुनै ठूलो कुरा भएन ।

त्यो अवस्था कसरी आयो भन्ने कुरा छ । त्यो हतियारले एक मिनेटमा एक हजार राउन्ड फायर गर्छ । यस्तो सोफेस्टीकेटेड हतियारहरु छन् । घटना त २/४ मिनेटमै सकिएको छ ।


राजाले आफ्नै सुरक्षामा राखेको हतियार आफ्नै परिवार विरुद्ध कसरी पड्कियो भन्ने जनतामा आशंका छ । तपाईं सैनिक सचिव भएपछि त्यसको जवाफ दिनुपर्दैन ?

त्यो अवस्था कसरी आयो भन्ने कुरा छ । त्यो हतियारले एक मिनेटमा एक हजार राउन्ड फायर गर्छ । यस्तो सोफेस्टीकेटेड हतियारहरु छन् । घटना त २/४ मिनेटमै सकिएको छ ।

त्यो हतियार कति क्षमताको थियो ?

त्यसले सय मिटरसम्म हान्न सक्थ्यो । प्रतिमिनेट एक हजार राउन्ड गोली जान्थ्यो । एमपी ५ भन्ने जर्मन सेक्युरीटी सर्भिस र संसारका धेरै मुलुकहरुले त्यही प्रयोग गर्ने गर्छन् । उजी राईफल पनि थियो ।

सेक्युरिटीको लागि किन कोही भएनन् ?

उहाँको बगलाबाहिर ढोकासम्म हामी हुन्थ्यौं । तर, भित्र अरु कोही हुन्थेन । त्यहाँको परिवार र भित्र काम गर्ने नानीहरु हुन्थे । साही रनर हुन्थे, भित्र काम गर्ने युवाहरु हुन्थे । त्यो बाहेक सेक्युरिटीको मान्छे कोही पनि भएन ।

त्यहि त अचम्मको कुरा छ, एकै परिवारै सखाप हुने घटना हुँदा सेक्युरिटी कोही हुँदैन किन ?

मेरो विचारमा तपाईंले राजसंस्थाको धेरै इतिहास पढ्नुभयो भने यो नौलो घटना होईन । यो एकै ठाउँमा यति ठूलो घटना हुनु विडम्बना हो । उदाहरणका लागि केही समय अगाडी साउदीका राजा किङ फैजललाई लाईन लागेर बधाई दिने क्रममा आफ्नै भतिजाले छुरी हानेर मा–यो । इतिहास पढ्ने हो भने सत्ता छिन्नको लागि मार्नै पर्ने थियो नी ।

नेपालको राजपरिवार त्यस्तो अवस्थासम्म पुगेको थियो र ?
यो अवस्थासम्म पुग्ला भन्ने थिएन । तर परिवारमा केही असन्तुष्टिहरु थिए । असन्तुष्टिहरु हुन्छन् । मैले किताबमा पनि लेखेको छु ।
मैले उहाँको चरित्र त बच्चैदेखि नियालीरहेको छु । ‘म राजा भएन भने कोही पनि हुन्न’ दिपेन्द्र भन्नुहुन्थ्यो । बैबाहिक कुराले गर्दा जुन असन्तुष्टि थियो, त्यसले यस्तो स्वरुप लिनसक्छ भन्ने कसैले कल्पना गरेको थिएन ।
‘अब त्यस्तै हो भने त महेन्द्रले गर्‍या जस्तो वडा अध्यक्षलाई ल्याएर, नागार्जुन गएर कोर्ट म्यारिज गर्दिन्छु, ’ मलाई नै यो कुरा भन्नुभएको थियो । त्यहाँसम्म पुगेको अवस्था हो ।

 तपाईंले ब्रम्हैदेखि भन्नुपर्दा यो कसको खेल थियो ?

मैले ठम्याउन सकेको छैन । खोजविन गर्नुपर्ने यही पाटो हो । तर मलाई लाग्छ मदनभण्डारीको दुर्घटनाकाण्ड दरबार हत्याकाण्डसँग कतै न कतै जोडिन्छ ।

तत्कालीन एडिसिले छिटो रियाक्ट गर्न सकेन । त्यसमाँ कमजोरी भएको हो । एडिसी र मैरै । ‘किन उनीहरुले रियाक्ट गर्न सकेनन्, उनीहरुले यस विषयमा ट्रेनिङ लिएका हुन्छन् । जुन समयसिमामा त्यो घटना भयो, त्यसले फेरी अघिल्लो भनाईलाई न्याय गर्दैन । त्यो यति छोटो समयमा भयो उनीहरुले आफ्नो क्षमता देखाउनै सकेनन् ।


विरेन्द्रको सुरक्षा प्रमुख आफै हुँदाहुँदै यति ठूलो हत्या हुँदा तपाईंमा  आत्मग्लानी महशुस हुँदैन ?

त्यो बेलामा दरबारको सुरक्षा, संरचनामा कुनै कमी कमजोरी भए जस्तो मलाई लाग्दैन । आफनै परम्परा अनुसार चलिराथ्यो । तत्कालीन एडिसिले छिटो रियाक्ट गर्न सकेन । त्यसमाँ कमजोरी भएको हो । एडिसी र मैरै । ‘किन उनीहरुले रियाक्ट गर्न सकेनन्, उनीहरुले यस विषयमा ट्रेनिङ लिएका हुन्छन् । जुन समयसिमामा त्यो घटना भयो, त्यसले फेरी अघिल्लो भनाईलाई न्याय गर्दैन । त्यो यति छोटो समयमा भयो उनीहरुले आफ्नो क्षमता देखाउनै सकेनन् ।

कति समयसिमामा भएको थियो ?

२/३ मिनेटमा त सबै सिद्धिसकेको थियो । १०/१५ मिनेटमा टोटल्ली सकिएको थियो ।

एडिसी कतिको दुरीमा थिए ?

कोठा बेग्लै थियो । एउटा करिडोरबाट पर एडिसिको बेग्लै अफिस थियो । त्यतिबेला एउटा कोही बाहिर हुनुपथ्र्यो ।

  नेपाली सेनाको  दरबार सुरक्षा गर्ने  अंगसँग नजिकैको कोठासम्म हेर्नसक्ने कुनै प्रविधि नहुनु लाजमर्दो कुरा भएन र ?

सिसिटिभी हुनुपथ्र्यो । युवराजको कोठाबाट बाहिर एडिसीको अफिसम्म हेर्न मिल्थ्यो तर भित्र थिएन  ।

हत्यापछि राजा विरेन्द्रको शवको पोस्टमार्टम किन गरिएन ?

त्यतिबेला डाक्टरहरु पनि तयार भएका थिए । राजाको शरिर किन चिर्ने भन्ने कुरा आएपछि सबैले स्विकार गर्नुभयो । मुमाबडामहारानीको आसय पनि त्यस्तै देखियो । किन भने पोस्टमार्टम पत्ता लगाउने भनेको कारण पत्ता लगाउने हो । कारण त गोली थियो । त्यसकारण आवश्यक देखिएन ।

त्यो कमजोरी थियो कि थिएन ?
त्यो भन्न सकिन्न ।  १५ वर्ष अगाडिको कुरा हो । तर अहिलेसम्म घटनाको छानबिन नहुनुमा त्यतिबेला गरेको भए हुनेरहेछ ।

पोस्टमार्टम नगर्न गिरीजाले पनि समर्थन जनाउनुभएन होईन ?

हो । उहाँहरुले पोस्टमार्टम गर्नुपर्छ भनेको भए त जसरी पनि हुन्थ्यो ।

दरबार हत्याकाण्डको छानबिनको लागि ज्ञानेन्द्र साहको भूमिका कस्तो रह्यो ?

पहिलो पटकको  छानबिन आयोगले नै काम गर्‍यो । हामीले पनि दरबारबाट आन्तरिक छानबीन समिति बनायौं । मेरै अफिसले बनाएको हो । आन्तरिक रुपमा बनाएको प्राविधिक समिति थियो । शान्तकुमार मल्ल त्यो आयोगको संयोजक हुनुहुन्थ्यो । आफैले आफूलाई अनुसन्धान गर्न नमिल्ने भएकाले म त्यो समितिमा बसिन ।

त्यो समितिको निष्कर्श के थियो ?
यति छोटो समयमा भएको उक्त घटनामा एडिसिले किन ‘रिएक्ट’ गर्न सकेन भन्ने थियो । दरबारमा हतियार राख्नु हुँदैन अब देखि नराख्ने कुरा भयो ।

प्रतिकृया लेख्नुहोस्:

सम्बन्धित

कर्मचारीबारे लालबाबु पण्डितको खुलाशा : सरकारी कार्यलय भित्रैबाट चल्छन् ‘कन्सल्टेन्सी’ !

Sunday, 30 July 2017

पूर्व सामान्य प्रशासन मन्त्री लालबाबु पण्डितले प्रशासनीक सुधारका लागि ऐतिहासिक कामहरु गरे । पण्डितले सामान्य प्रशासन मन्त्रालय सम्हालेपछि डिभि र ...

‘आम युवाको चरित्र उपभोक्तावादी बन्दै गएको छ , यो निकै नै डरलाग्दो कुरा हो’

Saturday, 15 July 2017

साहित्यकार विश्वभक्त दुलाल ‘आहुती’ नेपाली समाजमा स्थापित भनिएका सोच र मान्यताहरु भन्दा भिन्न धारणा राख्छन् । मानिसका जीवन, समाज र ...

‘डल्लाकोटी सरकारको आदेश’ : त्रिशुली किनारमा महल बनाउँनेलाई १ लाख जरिवाना (अन्तर्वार्ता)

Thursday, 29 June 2017

धादिङको रोराङ गाउँपालिकामा यतिबेला एउटा शब्द चर्चामा छ,‘डल्लाकोटी सरकार’ । गाउँपालिका अध्यक्ष ‘हरि डल्लाकोटी’ नेतृत्वको स्थानिय सरकार सामाजिक सञ्जाल प्रयोगकर्ताका ...

श्याम राउत पक्राउ प्रकरणको भित्री कथा : डिएसपी कुमुद ढुङ्गेलले यसरी पक्राउ गरे ‘अपराधी’

Wednesday, 28 June 2017

‘मैले प्रशासन सबैको अनुहार हेरेको छु । सबै डिएसपी त्यस्तो नहुँदो रहेछ । मेरो बच्चाको आँशुले उहाँलाई जनमजनम राम्रो होस्’ ...

प्रचण्ड सरकारले डेढ करोड अनुदान दिने भएपछि महावीर पुन भन्छन्,‘सद्भावको लागि धन्यवाद, म सरकारको ढोकामा जाँदैन’

Thursday, 1 June 2017

काठमाडौं । सरकारले म्यागासेसे पुरस्कार बिजेता बैज्ञानिक महाविर पुनलाई डेढ करोड रुपैयाँ अनुदान दिने विषयमा छलफल अघि बढेपनि महावीर भने ...

सर्वोच्च अदालतले ‘नवराज सिलवाललाई आइजिपी बनाऊ’ भनेर कहाँ भनेको छ ?

Friday, 24 March 2017

सरकारले गरेको प्रहरी प्रमुखको नियुक्तीलाई सर्वोच्च अदालतले उल्ट्याइदिएपछि प्रहरीमा थप अन्यौलता छाएको छ । सर्वोच्चको फैसलालाई लिएर विभिन्न टिक्का टिप्पणी ...

दोहोरो गोली हानाहानमा एक प्यालेस्टाइनीको मृत्यु

Monday, 6 March 2017

जेरुसेलम, २३ फागुन । रमाल्लाहको वेस्ट बैंक सिटीका आइतबार राति इजरायली सैनिकसँग भएको दोहोरो गोली हानाहानमा परी एक प्यालेटाइनीको मृत्यु ...

‘लोडसेडिङ देखाएर करोडौं कमाउने कर्मचारी को–को थिए ? Exlusive खुलासा… 

Thursday, 12 January 2017

काठमाडौं, २८ पुस । वर्षौंदेखि नेपाली जनता लोडसेडिङ झेल्दै आएका थिए । तर, यसवर्ष सरकार परिवर्तन भएसँगै काठमाडौं पोखरा सहितका ...

मिरा राई भन्छिन्,–‘मलाई जिताउँन अभियान चलाउँनेहरु देखेर खुसीको आँशु झर्छ’

Sunday, 20 November 2016

विश्व चर्चित टेलिभिजन नेशनल जियोग्राफीले वर्षैपिच्छे प्रदान गर्दै आएको विश्वभरिका साहासिक उत्कृष्ट १० व्यक्तिको २०१६ सूचीमा परेकी मीरा राई नेपालीहरूकाे ...

veanet
sangrila Bank
Manjari print

लोकप्रिय

मनोरञ्जन

Top