अजितहरु मारिँदा हामी चुप कहिलेसम्म ? आउनुहोस् बोलौं

सुरज विश्वकर्मा

नेपाली समाजमा अझै पनि जातीय विभेदले जरा गाडेको छ । राजधानी सहितका जिल्लाहरुमा समेत अहिले विभेद कायम छ । परिस्थीति फरक भएपनि विभेद उही छ ।

धेरै जस्तो विभेद त त्यति बेला देखिन्छ जतिबेला कुनै जोडीले अन्तर्जातिय विवाह गर्छन् । सायद यही कारणले होला अहिलेका युवाहरु जति सुकै पढेलेखेको भएपनि अन्तर्जातिय प्रेम सम्बन्धलाई विवाहमा परिणत गर्न सक्दैन वा चाहाँदैनन् ।

suraj bk

सुरज विश्वकर्मा


किनकि यस्तो प्रेम सम्बन्धलाइ समाज तथा परिवारले स्विकार गर्दैन । वा भनौं अहिलेको युवाहरु समाज वा परिवार र जात व्यवस्थाको दास भएका छन् ।
कसैले अन्तर्जातीय विवाह गरिहाले पनि त्यस्ता जोडीहरुलाई कुटपिट ,गाउँ निकाला, मानसिक यातना दिईन्छ ।

काभ्रेको एक घटनाले अहिले नेपाली समाजलाई गिज्याईरहेको छ ।

गत महिना असार २५ गते काभ्रे जिल्लाको होक्से घर भएका अजित मिजारले गाउँकै उपल्लो जातकी एक महिलासँग प्रम गरे । प्रेम विवाहमा परिणत भयो । केटी पक्षले अजितको विहेलाई अस्विकार ग¥यो । जिल्लामा मुद्दा मामिला पनि भए । प्रशासनकै रोहबरमा उनको विहेलाई विच्छेद गराईयो । घरबाट ५० रुपैयाँ रिचार्ज लिएर हिँडेका अजित बेपत्ता भए । दुई दिनपछि धादिङको मलेखु स्थित फुर्केखोला किनारमा उनको झुन्ड्याइएको शरिर सामाजिक सञ्जालमा भाइरल भयो । परिवारले पछ्याउँदै जाँदा प्रहरीले नक्कली पाेस्टमार्टम गरेर गाडेको थाहा भयो । आफन्तले गाडिएको लास खोतले र बाहिर ल्याए । काठमाडौं ल्याएर शिक्षण अस्पतालमा पोस्टमार्टम गराउन पनि अस्पताल राजी भएन । गृहमन्त्रालयको अनुमति पछि पोष्टमार्टम भयो । तर, दुई महिना वित्दासमेत पोस्टमार्टमको रिपोर्ट बाहिर आएको छैन ।

घटना घटेको दुई महिना वित्न लाग्दा समेत राज्य पक्षले अहिलेसम्म आरोपहरुलाई पक्राउ गर्ने कुरा कहाँ हो कहाँ मुद्दा दर्ता समेत गरेको छैन ।

हामीले बाँचेको पुस्ताको लागि अजितहरु मारिनु ठूलो उपहास हो । उ फरक जात भएकैले कसैसँग प्रेम गर्न नपाउने यो कस्तो परम्परा हो । के यो समाजमा जन्मनु नै उसको गल्ति हो ? अजितहरुको हत्या गरेर खुसी मनाउँने समाज उदेक लाग्दो छ ।

भर्खरै नेकपा माओवादी केन्द्रका अध्यक्ष तथा प्रधामन्त्री पुष्प कमल दाहाल प्रचण्डले घटनाको छानबीन गर्न निर्देशन दिएका छन् । त्यसैको आधारमा छानवीन आयोग पनि बनेको छ । मुद्दा दर्ता गरेर कानुनी प्रक्रिया अगाडी बढाउनु पर्ने आवश्यकता छ । यतिबेला निर्देशन मात्रै होईन हत्यारा पक्राउ भएको देख्न चाहान्छौं हामी । तर, केही नहुनुभन्दा केही हुने संकेत देखिएका छन् ।

कुनै पनि घटना घटेपछि शंकास्पद व्यक्तिहरुलाई अनुसन्धानको दायरामा ल्याईन्छ । र, ती व्यक्तिहरुमाथिको अनुसन्धानबाट घटनाको रहस्य पत्ता लगाउने कार्य नेपाल प्रहरीले गर्दै आएको छ । प्रसिद्ध फूटबलर विमल घर्ति मगरकी बहिनी मनिषा घर्तिको हत्याको विषयमा प्रहरीले तत्काल एक्सन लिएको थियो । तर, अचम्म यहाँ न्यायमा पनि विभेद छ । अजितको हत्या भएको किटानी दिँदा पनि प्रहरी र प्रशासन मौन छ ।

यो राज्य सार त मानवता विरोधी छ । यहाँ जातका आधारमा न्याय छुट्याईन्छ । दलित या गरिबहरु राज्यबाटै अन्यायमा परेको यो गतिलो उदाहरण पनि हो ।

केही वर्ष अघि राजधानीको बसन्तपुरमा जीवन विकले उनकै प्रेमिका संगीता मगरमाथि एसिड प्रहार गरे । जातीय विभेदको शिकार बनेका जिवनले प्रतिशोधमा आएर एसिड हानेको प्रहरीलाई बताएका थिए ।

त्यतिबेला उनलाई पक्राउ गर्न माग गर्दै सडकमा उफ्रनेहरुको भिड थियो । त्यो भिडकै आक्रोशका कारण दबावमा आएको प्रहरीले ‘क्विक रेस्पोन्स’ भारतसम्म पुगेर जीवनको खोजी गरेको थियो । तर, नेपालमा भिडहरु ठूला जातका पछाडी लाग्छन् । ठूला जातहरुमाथि केही छिस्स भयो भने त्यो भिड न्यायको लागि आवाज उठाउँछ । तर, जीवनले जातिय विभेद झेलेको आवाज न त्यो भिडले बोल्यो न त न्यायलयलै बुझ्न सक्यो ।

अजित मिजारले तल्लो जात भएकै कारण मृत्युको शिकार हुँदा न्यायको आवाज उठाउनेहरु चुप छन् । सायद नेपालमा आवाज पनि जातीवादी बन्दैछ ।
हामी युवाहरु पनि त्यही मानसिकताबाट ‘गाईडेड’ हुने होकी आवाज उठाउने हो । भारतमा रोहीत बेमुलाको हत्या हुँदा हजारौं युवाहरु सडकमा उत्रिए । राज्य झुक्न बाध्य भयो । सोही आन्दोलनबाट कन्हैयाँ कुमार जस्ता प्रखर युवा नेताहरु जन्मिए । हामीहरु नेपालमा रमिता हेरेर बसिरहेका छौं । हामी बाँचेको समाजमा एउटा युवा दलित भएकै कारण मारिँदा पनि हामी चुप छौं । यदि यो समाचार भोलीको पुस्ताले सन्नु प¥यो भने हामीलाई धिक्कार्नेछ । हामी बोल्नु पर्छ ।

बोलीहरुमा लगाम लगाउँन सक्ने तागत दुनियाँमा कसैसँग छैन । आउनुहोस् नेपाल हाम्रै हो । हामीले पनि यो देशमा स्वतन्त्र भएर उड्न पाउँनुपर्छ ।

प्रतिकृया लेख्नुहोस्:

सम्बन्धित

कमरेड ! भृकुटीमण्डव धाउनुभन्दा विद्यार्थी एजेण्डामा बहस गरौँ

Thursday, 3 August 2017

विभिन्न समूहमा विभाजित माओवादी घटकहरुको एकता र केन्द्रीकरणसंगै सम्पन्न क्रान्तिकारी विद्यार्थी संगठनहरुवीचको एकता र ध्रुवीकरणको सन्दर्भमा निर्माण भएको हाम्रो संगठनात्मक ...

हिसिला यमिको जिब्रो नियन्त्रण गर्न मनोज गजुरेलको आधा दर्जन टिप्स, के के छन् ?

Friday, 7 April 2017

मनाेज गजुरेल जिब्रो चिप्लिंदा इमान खुस्किन्छ । इज्जत भांचिन्छ । नैतिकता मर्किन्छ । प्रतिष्ठामा चोट लाग्छ । इमेज बिग्रिन्छ, हिसिला’दीकोजस्तै ...

‘नवराज सिलवालकै हतियार सप्लाई’मा प्रचण्डसहित नेतृत्वको यसरी हुँदै थियो सामुहिक हत्या !

Thursday, 23 March 2017

काठमाडौं, १० चैत्र। नेपाल प्रहरीका डिआइजी तथा सिआइबी प्रमुख नवराज सिलवाल प्रहरी प्रमुख बन्ने दौडमा छन् । सरकारले डिआइजी जय ...

दुई ‘महान्’ राजनीतिक ठग !

Wednesday, 15 March 2017

– देवप्रकाश त्रिपाठी कमल थापालाई खास अवस्थामा राष्ट्रपति या प्रधानमन्त्री बन्ने अवसर प्राप्त हुने भएछ भने अर्को रहस्य पनि राम्रैसँग ...

विशेष सम्पादकीय : भारतीय ‘दादागिरी’ अन्त्य गर, सिमामा तुरुन्त ‘पर्खाल’ लगाउ

Friday, 10 March 2017

विहीबार काठमाडौं सहित देश भर एउटा खबरले सनसनी मच्चायो । ‘भारतीय सिमा सुरक्षा बल एसएसबीको गोली प्रहारबाट एक नेपालीको मृत्यु’ ...

स्वतन्त्र नारी

Wednesday, 8 March 2017

योगेश ढकाल चिकित्सा शास्त्र अध्ययन संस्थान, आयुर्वेद क्याम्पस किर्तिपुर  हरेक व्यक्ति आफैंभित्रै स्त्री र पुरुषको समायोजन हो । हाम्रो शरीर ...

नारी दिवस किन मनाउँने ?   

Wednesday, 8 March 2017

सुमन खनाल चिकित्सा शास्त्र अध्ययन संस्थान, आयुर्वेद क्याम्पस किर्तिपुर स्कुलमा रिजल्ट आउने तयारी हुदै थियो ।  कक्षा ५ मा जेहेन्दार ...

अन्तिम दिन बीबीसीबाट रवीन्द्र मिश्रको घोषणा :‘निलो पानीको डुङ्गाबाट फोहोर पानीमा हाम फालेँ’

Tuesday, 28 February 2017

काठमाडौं, १७ फागुन । पत्रकार रवीन्द्र मिश्रले बीबीसी नेपाल सेवाबाट राजिनामा दिँदै नयाँ राजनीतिक पार्टी खोल्ने घोषणा गरेका छन् । ...

आइजिपी प्रकरण : तेस्रो बरियताका कुलमान घिसिङले उज्यालो दिन हुने, प्रहरीमा किन नहुने ?

Tuesday, 21 February 2017

सुमन बराल सरकारले पहिलो बरियताका नवराज सिलवाल र दोस्रो बरियताका प्रकाश अर्याललाई पन्छाएर तेस्रो बरियताका डीआईजी जयबहादुर चन्दलाई आईजीपीमा बढुवा ...

veanet
sangrila Bank
Manjari print

लोकप्रिय

मनोरञ्जन

Top