sangrila Bank

प्रेम बानियाँ किन गएछन् अमेरिका

काठमाडौं, १४ असोज । टेलिभिजन पर्दामा एक पात्र सँधै उदाउँथे । ती हुन् प्रेम बानियाँ । राष्ट्रवादको खोक्रो शब्दहरुको जालमा उनी भन्थे ‘जय स्वाभिमान’ । टेलिभिजनको स्क्रिनबाट ठूलो स्वरमा स्वाभिमानी नारा वाचन गरिदिएपछि कतिपयले बानियाँलाई ‘भयंकर’ राष्ट्रवादी मानिँदै आएको थियो । तर, त्यही राष्ट्रवादको नारा बेचेर प्रेम बानियाँ संयुक्त राज्य अमेरिका हानिएपछि उनको राष्ट्रवाद उदाङ्गिएको छ ।

सामाजिक सञ्जालमा प्रेम बानियाँले उठाएको कदम सकारात्मक भन्नेहरुको जमात पनि छ । अर्को तिर उनलाई खाक्रो राष्ट्रवादी मान्नेहरु त थिए नै । तर, एउटा सत्य हो की राष्ट्रवादको खोक्रो नाराले स्थापीत बनेका प्रेम बानियाँ गुजारा चलाउँनकै लागि अमेरिका जानु पर्ने अवस्था भने पक्कै छैन । किन भने काठमाडौंका सडकहरुमा मकै पोल्ने आमाहरुले आफू मात्रै होइन लालाबालाको जीन्दगी पालेका छन् । एउटा चर्चित टेलिभिजन पत्रकार अमेरिका भासिनुमा कतिपयले राष्ट्र, राजनेता वा देशलाई दोष दिँदै आएका छन् । तर, मान्छेको भविष्य उसको नीजि कारणहरुमा निर्भर हुन्छ भन्ने तथ्यलाई कसैले भुल्नु हुँदैन । ठीक यस्तै प्रेम बानियाँका केही केही नीजि कारणहरु छन् । जसले उनलाई यो देश देखि विरक्त लाग्यो ।

दलित युवाको टाउकोमा पिसाब

केही वर्ष अघि सिन्धुपाल्चोकमा पत्रकार महासंघको कार्यक्रम थियो । कार्यक्रममा पत्रकार महासंघका पदाधिकारी पनि थिए । त्यतिबेला सिन्धुपाल्चोक कुल्चोकै स्थानीय भएका कारण प्रेम बानियाँ पनि त्यहाँ पुगेका थिए । बेलुका पत्रकारहरुबीच ‘जाँड पार्टी’ चल्यो । प्रेमले पनि पिए । उनी पिएक्कड नै थिए । बेस्सरी पिए । विश्वकर्मा थरका एक पत्रकार थिए उनीसँगै । ती भाइ जस्ता मान्छे प्रेम बानियाँ भनेपछि नतमस्तक नै थिए । टेलिभिजनका चर्चित पत्रकार थिए प्रेम । अलि बढी नै पिएपछि प्रेमले आफ्नो घमण्ड देखाउन थाले । ती ‘भाइ पत्रकारमाथि उनले एक ‘किक’ हाँने । किक प्रहारबाट ती पत्रकार त्यहीँ ढले । तर, प्रेमको रिस मरेको थिएन । ‘त कामी होस्’ भन्दै उनले ती विश्वकर्माको टाउकोमा पिसाब फेरिदिएका थिए । उक्त घटनापछि ति पीडितले प्रहरीमा उजुरी समेत दिए तर, पत्रकार महासंघकै पदाधिकारिकाे सक्रियतामा उक्त घटना थामथुम पारिएको थियो ।

जुम्लामा एक महिलामाथि दुव्र्यबहार

टेलिभिजनका औँलामा गनीने पत्रकार बनिसकेका प्रेम बानियाँ केही वर्ष अघि जुम्ला पुगेका थिए । त्यतिबेला केही अन्य महिला पत्रकारको टोली पनि सँगै सहभागी थिए । त्यतिबेला एक महिला पत्रकारको संवेदनशिल अंगमा सुम्सुम्याएपछि ती महिलाले अन्य पत्रकारलाई सो कुरा बताएकी थिइन् । सो घटना एकाएक बाहिर आएपछि बानियाले ती पत्रकार महिलालाई धम्काएको समेत पत्रकारबीच चर्चा हुने गर्छ ।

गर्व तुहाएको कथा

राजधानीमै बस्थे प्रेम बानिया, नजिकै एक युवती । बानेश्वर आसपास बस्ने गरेकी ती युवती र प्रेमबीचको आकर्षण बढ्यो । प्रेमले प्रेम गरेको भान पारे । ती युवतीले प्रेमलाई सबै कुरा सुम्पिन तयार भइन । उनीहरुबीचकै यौन सम्बन्धबाट तीन महिनाको गर्भ रहन गयो । ती पीडित युवतीले प्रेमसँग विवाह गर्न चाहेकी थिइन् तर प्रेमले अस्विकार गरेपछि गर्भपतन गराइयो । उनीहरुबीचको सम्बन्ध पनि राम्रो भएन । ती युवतीको विहे भयो । केही महिनासम्म त राम्रै थियो तर, जतिबेला ती युवतीको श्रीमानले उक्त घटना थाहा पाए त्यसपछि उनीहरुबीच पनि सम्बन्ध विच्छेद भएको छ । ती युवती अहिले पत्रकारीता क्षेत्रमै सक्रिय रहेकी छिन् ।

अमेरिकी संस्थाको सद्भावना दूत भएर के काे राष्ट्रवादकाे गफ ?

पश्चिमा मुलुकहरुले आफ्नो जालो विस्तारको लागि नेपालमा एनजीओ खडा गरेका छन् । ती एनजीओहरु पश्चिमाहरुको स्वार्थमा केन्द्रीत रहेका छन् । ती मध्ये एक हो, ह्याबिट्याट फर हुम्यानीटि । अमेरिकाको मेरिल्यान्ड मुख्य कार्यालय रहेको उक्त आइएन्जीओको सद्भावना दूतको रुपमा प्रेम बानियाले नियुक्ती पाएका थिए । सोही संस्थाबाट उनले मासिक भत्ता समेत बुझ्दै आएका थिए ।

त्यसो त उनले टेलिभिजनबाट पनि मनग्य कमाउँथे । न्युज २४ टेलिभिजनमा मात्रै उनको तलब झन्डै आधा लाखको हाराहारिमा थियो । आम नेपालीको मासिक आम्दानी औषतमा ६ हजार मात्रै छ । उक्त संस्थाकै कार्यक्रममा चितवन गएको समयमा मदिरा सेवन गरेर प्रहरीको एसपीको फूलि तानेको घटना समेत गत वर्ष चर्चाको विषय बनेको थियो । स्वाभिमान र राष्ट्रियताको चर्को नारा लगाउने बानियाँ आफैले भने विदेशी दूतको जागिर खाएपछि एउटा वृतमा विरोध पनि भएको थियो ।

त्यसो त बानियाँकै नजिकका व्यक्तिका अनुसार उनले केही महिना अघि आफ्नै श्रीमति हरिदेवि रोकायलाई कुटपीट गरेका थिए । उनले श्रीमतिलाई कुटपीट गरेपछि जिल्ला प्रशासन कार्यालयमा उजुरी समेत परेको थियो । उनको टेलिभिजनमा अधिकांश समय देखिने व्यक्ति हुन् रमेश खड्का । टेलिभिजनका स्रोका अनुसार उनै खड्काले बानियाँलाई आर्थिक सहयोग गर्दै आएका थिए ।

राष्ट्रवादका जति सुकै चर्को नारा लगाएपनि प्रेम आफै भने विभिन्न उच्छृङ्खल गतिविधिहरुले जेलिएका थिए । जसले उनलाई राष्ट्रका लागि केही गर्ने भन्दा आफ्नै विगतहरुबाट उन्मुक्त हुन चाहान्थे । यसको विकल्प नेपालमा पनि थिए । थुप्रै मानिसहरु सुधारिएका छन् । सायद आफ्नै विगतका ‘काण्डहरु’को भयबाट उनी अमेरिका हानिए । तर, उनी भासिएको दोष भने आफ्नै देशतिर सोझिएको छ ।

प्रतिकृया लेख्नुहोस्:

सम्बन्धित

विश्वकपको उपाधी फ्रान्सलाई, कुन खेलाडीलाई के उपाधी ?

Monday, 16 July 2018

दीयोपोष्ट संवाददाता काठमाडौँ । विश्वकप २०१८ को उपाधी फ्रान्सले प्राप्त गरेको छ । आईतबार राति सम्पन्न भएको विश्वकप २१ औँ ...

पत्रकारको दुई करोड कुम्ल्याएर हिमालय टिभीका साहु बाबु/छोरा भाग्न खोजेपछि बबाल !

Monday, 16 July 2018

  काठमाडौं । आठ वर्षसम्म टेलिभिजनको ब्रान्ड स्थापित गर्न श्रम पसिना बगाएका पत्रकार तथा कर्मचारीहरुको पाकेको सुविधासमेत पोको पाकेर हिमालय ...

प्रधानमन्त्री ओलीको भावुक कविता, “म मरे पनि सपना देखिरहन पाउँ”

Sunday, 15 July 2018

काठमाडौं, असार ३१ । प्रधानमन्त्री केपी शर्मा ओलीले आइतबार हिमवत् खण्ड साहित्य कला सम्मिलनको चन्द्रागिरि सिर्जना यात्रामा स्थलगत कविता रच्दै ...

ट्रेड युनियन कांग्रेस अध्यक्ष आचार्य भन्छन्,‘हान र मजदुर संगठनबीचको सम्झौता खारेज गर्नुपर्छ’

Saturday, 14 July 2018

काठमाडौं । नेपाली कांग्रेस निकट ट्रेड युनियन संगठन नेपाल ट्रेड युनियन कांग्रेसका अध्यक्ष पुष्कर आचार्यले होटल सञ्चालक र केही मजदुर ...

अछाममा ८ वर्षिया बालिका बलात्कृत !

Saturday, 14 July 2018

अछाम–साँफेबगर नगरपालिका–११ देवीस्थानका २१ वर्षीय रेवन्त दासले आठ वर्षीया बालिकालाई पानी माग्ने निहुँमा बलात्कार गरेका छन् । बालिकाका आफन्त रोपाइँ ...

सलमान खानको ‘द ब्याङ टुर’को टिकटमा ठगिनु भयो ? टिकट सहित अपराध महाशाखा टेकुमा जानुस् !

Saturday, 14 July 2018

काठमाडौं । महानगरीय प्रहरी अपराध महासाखाले सलमान खानलाई नेपाल ल्याउने नाममा करोडौं ठगि गरेका पाइएपछि सर्वसाधरणसँग आह्वान गर्ने भएको छ ...

आँखाको नानी संकलन केन्द्र सञ्चालन !

Saturday, 14 July 2018

काठमाडौँ, ३० असार । तिलगंगाा आँखा प्रतिष्ठान र शहीद गंगालाल राष्ट्रिय हृदयरोग केन्द्रबीच गंगालाल हृदयरोग केन्द्रमा यही असार २९ देखि ...

भक्तपुरको डुबान बस्तीबाट पाँच टन फोहर संकलन

Saturday, 14 July 2018

भक्तपुर, ३० असार । भक्तपुर भएर बग्ने हनुमन्ते नदी सफाइ अभियानको शनिबार २० औं हप्ता मध्यपुरथिमिको डुबान क्षेत्रबाट पाँच टन ...

खलंगामा बस दुर्घटना, एकको मृत्यु, १६ जना घाइते र ८ गम्भीर अवस्थामा !

Friday, 13 July 2018

रुकुम, असार २९ । रुकुम पश्चिमको सदरमुकाम मुसिकोट–खलंगामा शुक्रबार दिउँसो बस दुर्घटना हुँदा एकजनाको मृत्यु भएको छ भने १६ जना ...

vianet

लोकप्रिय

मनोरञ्जन

Top