sangrila Bank

प्रधानमन्त्री देउवाले माओवादी मन्त्रीलाई बर्खास्त गर्ने खतरा ! यसरी हुन्छ देउवा सरकारसँग बहुमत

काठमाडौं । सत्तारुढ दल नेपाली कांग्रेसका सभापति शेरबहादुर देउवालाई ‘दुश्साहसी’को अर्को रुपमा परिभाषित गरिन्छ । उनै देउवाले वर्तमान सरकार पुनर्गठन गर्ने खतरा बढ्दै गएको छ ।

सत्तारुढ दल नेपाली कांग्रेसको समर्थन विना नै बहुमत जुटाउने र माओवादी मन्त्रीहरुलाई वर्खास्त गर्ने तयारी देउवाले गरिरहेका छन् । स्रोतका अनुसार यो हप्ता भित्रै उनले माओवादी मन्त्रीहरुको बर्खास्त गर्नेछन् ।

व्यवस्थापिका संसदमा १९ सिट रहेको राप्रपाले देउवा सरकारलाई समर्थन गर्ने निर्णय गरेपछि उनी हौसिएका हुन् ।
कांग्रेसको केन्द्रीय कार्यसम्पादन समितिको बैठक बसिरहेको समयमा राप्रपाकी प्रमुख सचेतक कुन्ती कुमारी शाह, दिननाथ गिरी र मोहन श्रेष्ठले प्रधानमन्त्री देउवालाई सरकारलाई समर्थनको पत्र बुझाएका थिए । कांग्रेस सभापतलाई बुझाइएको बेहोराको पत्र उनीहरुले संसद सचिवालयमा समेत दर्ता गराएका छन् ।

स्रोतका अनुसार राप्रपा अध्यक्ष कमल थापालाई गृहमन्त्रीको ‘ललिपप’ देखाएपछि थापा सरकारमा आउन लालयीत भएका छन् । देउवा नेतृत्वको सरकारबाट माओवादी समर्थन फिर्ता भए वा मन्त्री हटाइएपनि राप्रपाको समर्थनमा देउवालाई बहुमत पुग्छ ।

नेपाली कांग्रेससँग २०७ जना सांसद रहेका छन् । राजपा २४, संघीय समाजवादी फोरम १५, राप्रपा १९, राप्रपा प्रजातान्त्रिक १८, फोरम लोकतान्त्रिक १७ गरी कुल ३ सय जना सांसद देउवाको पक्षमा देखिएका छन् । सरकारलाई बहुमतका लागि २९७ सांसदको आवश्यकता पर्दछ ।

उपेन्द्र यादवको चेतावनी

संघीय समाजवादी फोरम नेपालका अध्यक्ष उपेन्द्र यादवले माओवादी मन्त्री हटाइए आफ्नो समर्थन फिर्ता लिने चेतावनी दिएका छन् । फोरम अध्यक्षको यो चेतावनीले भने देउवा विचलित अवस्थामा पुगेको बताइएको छ ।

लोकतान्त्रिक फोरम नेपालका अध्यक्ष तथा उपप्रधान स्थानिय विकास तथा संघीय मामिला मन्त्री विजय कुमार गच्छेदारसँग भेटको क्रममा देउवाले उपेन्द्र यादवको चेतावनीले अफ्टेरोमा परेको बताएका हुन् ।

सरकारबाट समर्थन फिर्ता लिने चेतावनी दिँदै यादवको भनाई उदृत गर्दै स्रोतले भन्यो,‘हामीले निर्वाचनका लागि तपाईंलाई समर्थन गरेका हौँ । कसलाई हटाउन वा कसलाई मन्त्री बनाउनका लागि होइन ।’

माओवादी मन्त्रीलाई हटाउन गाह्रो

बहुमत आफ्नो पक्षमा देखिएपनि माओवादी केन्द्रका मन्त्रीलाई तत्काल हटाउन सक्ने अवस्थामा देउवा छैनन् । संविधानको बाध्यकारी व्यवस्थाका कारण देउवा अहिले निकै अफ्टयारोमा छन् । संविधानमा व्यवस्था भएअनुसार प्रधानमन्त्रीले सम्बन्धित दलको सुझाव वा सल्लाह अनुसार मात्रै मन्त्रीहरुलाई बर्खास्त गर्न सक्नेछन् ।

संविधानको धारा २९८ (९) मा मन्त्री पदमुक्त हुने अवस्थाबारे उल्लेख गरिएको छ । जसमा मन्त्रीले लिखित राजिनामा दिएमा, प्रधानमन्त्री स्वयम पदबाट मुक्त भएमा, सम्बन्धित दलको सिफारिसमा वा सम्बन्धित दलको सल्लाहमा प्रधानमन्त्रीले पदमुक्त गरेमा वा मृत्यु भएमा मात्रै हटाउने व्यवस्था छ ।

तर, माओवादी केन्द्र अहिले तत्काल सरकार नछोड्ने पक्षमा छ ।

देउवाको छिर्के दाऊ

माओवादीले सरकार नछाड्ने र उपेन्द्र यादव नेतृत्वको संघीय समाजवादी फोरमले समेत सरकारबाट फिर्ता हुने धम्की दिएपछि देउवा निकै समस्यामा छन् । तर, उनले अन्तिम चरणमा भएपनि माओवादी मन्त्रीलाई बर्खास्त गर्ने स्रोतको दाबी छ । उनले कार्तिक पहिलो साता नै मन्त्री परिषद पुनर्गठन गर्ने संभावनालाई आंकलन गरिएको छ ।

कार्तिक ५ गते हुने मनोनयन दर्तापछि वर्तमान संसद सोतः विघटन हुने र त्यस्तो अवस्थामा माओवादी सांसदले समेत अविश्वास प्रस्ताव ल्याउन नसक्ने हुनाले अल्पकालिन सरकार गठनको खेल खेल्ने विश्लेषकहरुको दाबी छ ।

सत्तारुढ दल नेकपा माओवादी केन्द्र, नेकपा एमाले र नयाँ शक्ति पार्टी नेपालबीच वामपन्थि चुनावी तालमेलको घाषणा भएपछि नेपाली राजनीति नयाँ कोर्समा बदलिएको थियो ।

नेपाली कांग्रससँगको सहमति तोडेको भन्दै कांग्रेसले माओवादीमाथि आरोप लगाउँदै आएको छ । एक उपप्रधानसहित १० मन्त्रालय लिएर नेकपा माओवादी केन्द्र वर्तमान सरकारमा सामेल छ । माओवादी तर्फबाट सरकारमा सामेल भएका मन्त्री प्रधानमन्त्री देउवाको बर्खास्तीको शिकार हुनुपर्ने हो भन्दै कुरेर बसेका छन् ।

प्रतिकृया लेख्नुहोस्:

सम्बन्धित

विश्वकपको उपाधी फ्रान्सलाई, कुन खेलाडीलाई के उपाधी ?

Monday, 16 July 2018

दीयोपोष्ट संवाददाता काठमाडौँ । विश्वकप २०१८ को उपाधी फ्रान्सले प्राप्त गरेको छ । आईतबार राति सम्पन्न भएको विश्वकप २१ औँ ...

पत्रकारको दुई करोड कुम्ल्याएर हिमालय टिभीका साहु बाबु/छोरा भाग्न खोजेपछि बबाल !

Monday, 16 July 2018

  काठमाडौं । आठ वर्षसम्म टेलिभिजनको ब्रान्ड स्थापित गर्न श्रम पसिना बगाएका पत्रकार तथा कर्मचारीहरुको पाकेको सुविधासमेत पोको पाकेर हिमालय ...

प्रधानमन्त्री ओलीको भावुक कविता, “म मरे पनि सपना देखिरहन पाउँ”

Sunday, 15 July 2018

काठमाडौं, असार ३१ । प्रधानमन्त्री केपी शर्मा ओलीले आइतबार हिमवत् खण्ड साहित्य कला सम्मिलनको चन्द्रागिरि सिर्जना यात्रामा स्थलगत कविता रच्दै ...

ट्रेड युनियन कांग्रेस अध्यक्ष आचार्य भन्छन्,‘हान र मजदुर संगठनबीचको सम्झौता खारेज गर्नुपर्छ’

Saturday, 14 July 2018

काठमाडौं । नेपाली कांग्रेस निकट ट्रेड युनियन संगठन नेपाल ट्रेड युनियन कांग्रेसका अध्यक्ष पुष्कर आचार्यले होटल सञ्चालक र केही मजदुर ...

अछाममा ८ वर्षिया बालिका बलात्कृत !

Saturday, 14 July 2018

अछाम–साँफेबगर नगरपालिका–११ देवीस्थानका २१ वर्षीय रेवन्त दासले आठ वर्षीया बालिकालाई पानी माग्ने निहुँमा बलात्कार गरेका छन् । बालिकाका आफन्त रोपाइँ ...

सलमान खानको ‘द ब्याङ टुर’को टिकटमा ठगिनु भयो ? टिकट सहित अपराध महाशाखा टेकुमा जानुस् !

Saturday, 14 July 2018

काठमाडौं । महानगरीय प्रहरी अपराध महासाखाले सलमान खानलाई नेपाल ल्याउने नाममा करोडौं ठगि गरेका पाइएपछि सर्वसाधरणसँग आह्वान गर्ने भएको छ ...

आँखाको नानी संकलन केन्द्र सञ्चालन !

Saturday, 14 July 2018

काठमाडौँ, ३० असार । तिलगंगाा आँखा प्रतिष्ठान र शहीद गंगालाल राष्ट्रिय हृदयरोग केन्द्रबीच गंगालाल हृदयरोग केन्द्रमा यही असार २९ देखि ...

भक्तपुरको डुबान बस्तीबाट पाँच टन फोहर संकलन

Saturday, 14 July 2018

भक्तपुर, ३० असार । भक्तपुर भएर बग्ने हनुमन्ते नदी सफाइ अभियानको शनिबार २० औं हप्ता मध्यपुरथिमिको डुबान क्षेत्रबाट पाँच टन ...

खलंगामा बस दुर्घटना, एकको मृत्यु, १६ जना घाइते र ८ गम्भीर अवस्थामा !

Friday, 13 July 2018

रुकुम, असार २९ । रुकुम पश्चिमको सदरमुकाम मुसिकोट–खलंगामा शुक्रबार दिउँसो बस दुर्घटना हुँदा एकजनाको मृत्यु भएको छ भने १६ जना ...

vianet

लोकप्रिय

मनोरञ्जन

Top