sangrila Bank

अध्यापन छोडेर दलको झोला बोकेर हिड्ने शिक्षकलाइ अब कारवाही हुने ( विज्ञप्तिसहित)

काठमाडौं । एकीकृत अखिल नेपाल शिक्षक संगठनले कक्षामा नियमित उपस्थित नहुने, दलको झोला बोक्ने शिक्षकहरुलाई कार्बाही गर्नेसमेत निर्णय गरेको छ ।
सो संगठनले जनवादी, वैज्ञानिक र प्राविधिक सीपयुक्त शिक्षाको विकासका लागि केन्द्रित हुने पनि बताएको छ ।
काठमाडौंमा बसेको संगठनको केन्द्रीय समितिको बैठकले शैक्षिक पुनसंरचना, संगठन बिस्तार र शिक्षकहरुको पेशागत अधिकार प्राप्तिमा केन्द्रित हुने निर्णय गरेको हो । कार्यक्रममा बोल्दै पूर्व शिक्षामन्त्री एवं माओवादी केन्द्रका नेता दिनानाथ शर्माले देशप्रति माया र सेवा गर्ने भावनाको शिक्षा दिन शिक्षकहरुसँग आग्रह गर्नुभयो । हामीले मिहिनेत गरेर उत्कृष्ट बनाएका विद्यार्थीहरु आज अमेरिका र युरोपको सेवा गरिरहेका छन् । उहाँले भन्नुभयो, ‘अब हाम्रा उत्कृष्ट विद्यार्थीहरुलाई दक्ष बनेर मुलुककै सेवा गर्ने भावनाको शिक्षा दिनुपर्छ ।’ आफू शिक्षामन्त्री बनेको बेला पहिलो पटक १०० विद्यालयबाट प्राविधिक शिक्षा दिन शुरु गरेको र प्रत्येक वर्ष त्यति नै संख्या वृद्धि गर्दैै लग्ने निर्णय गरेको स्मरण गराउनुभयो ।
अस्थायी शिक्षक समस्या समाधान भन्दापनि त्यसलाई लम्बाएर राजनीति गर्न दलहरु क्रियाशिल रहेको उहाँको आरोप थियो । मुलुकलाई माया र सेवा गर्ने दक्ष नागरिक उत्पादन नै जनवादी शिक्षा भएकाले अबको शिक्षाको दिशा सोहीतर्फ हुनुपर्नेमा उहाँको जोड थियो ।
कार्यक्रममा माओवादी केन्द्रका नेता एवं शिक्षक फ्याक्सन इन्चार्ज पुष्पविक्रम मल्लले शिक्षक संगठनले अब शैक्षिक सुधार र पेशागत आन्दोलन सँगसँगै अघि बढाउनुपर्ने बताउनुभयो । शिक्षकहरु लामो समय ट्रेडयुनियन अधिकारको प्राप्तिमा मात्रै केन्द्रित रहँदा सार्वजनिक शिक्षाको स्तर खस्कीएको भन्दै मल्लले अब कक्षाकोठामा राम्रो पढाएर शैक्षिक क्रान्तिको शुरुवात हुनुपर्ने बताउनुभयो । ‘अब सबैको ध्यान गुणस्तरीय, वैज्ञानिक र सीपयुक्त शिक्षामा हुनुपर्छ,’ उहाँले भन्नुभयो, ‘कराएर मात्रै होइन, राम्रो पढाएर शिक्षक आन्दोलन अघि बढ्नु पर्छ ।’
एकीकृत अखिल नेपाल शिक्षक संगठनका अध्यक्ष भोला सापकोटाले अब संगठन वैज्ञानिक र जनवादी शिक्षाको पक्षामा क्रियाशील हुने बताउनुभयो । ‘हाम्रो संगठनले टे«ड युनियन अधिकारलाई शैक्षिक रुपान्तरणसँग जोडेर अघि बढाउँछ,’ उहाँले भन्नुभयो, ‘हाम्रो मुख्य ध्यान गुणस्तरीय, सीपयुक्त शिक्षा र नमूना विद्यालय निर्माणमा केन्द्रित हुनेछ ।’
संगठनका वरिष्ठ उपाध्यक्ष शंकर अधिकारीले अब संगठन सीपयुक्त, मुलुक बनाउने जनशक्ति तयार गर्ने र जनजीविकासँग जोडिनेखालको शिक्षा विकासमा केन्द्रित हुने बताउनुभयो । नपढाउने, कक्षामा नियमित उपस्थित नहुने र दलको झोलामात्रै बोक्ने शिक्षकलाई अब संगठनले कार्बाहीको प्रक्रिया अघि बढाउने निर्णय गरेको जानकारी उहाँले जानकारी दिनुभयो । महासचिव ऋषिराम चापागाईले संगठनको ध्यान, नीति र योजना शैक्षिक रुपान्तरणमा केन्द्रित भएको समेत स्पष्ट पार्नुभयो ।
महाधिवेशन आगामी फागुन ४, ५ र ६
संगठनको केन्द्रीय समितिको बैठकले आगामी फागुन ४, ५ र ६ मा काठमाडौंमा राष्ट्रिय सम्मेलन गर्ने निर्णय गरेको छ । त्यसअघि आगामी माघ ४ गते १ नम्वर प्रदेशको, ६ गते २ नम्बर प्रदेशको र माघ २० गते ३ नम्बर प्रदेशको सम्मेलन गर्ने निर्णय संगठनले गरेको छ । साथै, माघ २० गते नै ४ नम्बर प्रदेशको, १६ गते ५ र ६ नम्बर प्रदेशको तथा माघ ८ गते ७ नम्बर प्रदेशको सम्मेलन गर्ने निर्णय संगठनले गरेको छ ।
संगठनको केन्द्रिय समितिको वैठकमा अखिल नेपाल शिक्षक संगठनकी उपाध्यक्ष चेतना रेग्मी, कोषाध्यक्ष एवं नेपाल शिक्षक महासंघका केन्द्रिय सचिव शान्ति ढकाल एकीकृत अखिल नेपाल शिक्षक संगठनमा प्रवेश गर्नुभएको छ । साथै, अखिल नेपाल शिक्षक संगठनका केन्द्रिय सदस्य तथा भक्तपुर जिल्ला अध्यक्ष लिला तामाङ, नयाँ शक्ति पाटी निकट नेपाल शिषक समाजका सचिवालय सदस्य जमुना थापा लगायत एक दर्जन शिक्षकहरु संगठनमा प्रवेश गरेका छन् ।

 

प्रतिकृया लेख्नुहोस्:

सम्बन्धित

चिकित्सा शिक्षा विधेयक फिर्ता गर्न नमिल्ने तर आवश्यकता अनुसार संसोधन गर्न सकिने शिक्षा मन्त्री पोखरेलको भनाई

Thursday, 19 July 2018

काठमाडौँ । शिक्षामन्त्री गिरिराजमणी पोखरेलले चिकित्सा शिक्षा विधेयक संसदमा दर्ता हुने जिकिर गरेका छन । लामो समयदेखी चिकित्सा शिक्षा विधेयक ...

के छोरी जन्माउनु गल्ती हो ?

Thursday, 19 July 2018

इनरुवा , सुनसरी जिल्लाको दुहबी नगरपालिका–६ कि राधा साह छोरी जन्मिएकोमा दुई वर्षदेखि घरेलु हिंसाबाट पीडित भएका छन् । सुनसरीको ...

अपडेटः रुकुम दुर्घटनामा मृत्यु हुनेको संख्या ७ पुग्यो, ४ जना गम्भिर घाईते (नामावलि/फोटोफिचर)

Wednesday, 18 July 2018

काठमाडौँ । रुकुम जिप दुर्घटनामा ज्यान गुमाउनेको संख्या ७ पुगेको छ । वुधबार दिउसो रुकुमकोटबाट धौलापैरा जाँदै गरेको लु १ ...

पहिरोको वितण्डा: गोरखामा एकै घरका तिनजनाको मृत्यु, पर्वतका २५ घर उच्च जोखिममा !

Wednesday, 18 July 2018

काठमाडौँ । अविरल वर्षासहित आएको पहिरोले गोरखामा एकै घरका तिनजनाको मृत्यु भएको छ । गोरखाको शहिद गाउपालिका ६ अँधेरीमा स्थानिय ...

३८ क्विन्टल सुन तस्करीमा पर्यटन व्यावसायी समेत, यी हुन् ‘गोरे’का अर्का सहयोगी !

Tuesday, 17 July 2018

काठमाडौं । ३८ क्विन्टल सुन तस्करीमा मुछिएका एक पर्यटन व्यावसायी डेढ महिनादेखि फरार छन् । धादिङ घर भएका कान्तिपुर होलिडेज ...

पत्रकारको दुई करोड कुम्ल्याएर हिमालय टिभीका साहु बाबु/छोरा भाग्न खोजेपछि बबाल !

Monday, 16 July 2018

  काठमाडौं । आठ वर्षसम्म टेलिभिजनको ब्रान्ड स्थापित गर्न श्रम पसिना बगाएका पत्रकार तथा कर्मचारीहरुको पाकेको सुविधासमेत पोको पाकेर हिमालय ...

प्रधानमन्त्री ओलीको भावुक कविता, “म मरे पनि सपना देखिरहन पाउँ”

Sunday, 15 July 2018

काठमाडौं, असार ३१ । प्रधानमन्त्री केपी शर्मा ओलीले आइतबार हिमवत् खण्ड साहित्य कला सम्मिलनको चन्द्रागिरि सिर्जना यात्रामा स्थलगत कविता रच्दै ...

ट्रेड युनियन कांग्रेस अध्यक्ष आचार्य भन्छन्,‘हान र मजदुर संगठनबीचको सम्झौता खारेज गर्नुपर्छ’

Saturday, 14 July 2018

काठमाडौं । नेपाली कांग्रेस निकट ट्रेड युनियन संगठन नेपाल ट्रेड युनियन कांग्रेसका अध्यक्ष पुष्कर आचार्यले होटल सञ्चालक र केही मजदुर ...

अछाममा ८ वर्षिया बालिका बलात्कृत !

Saturday, 14 July 2018

अछाम–साँफेबगर नगरपालिका–११ देवीस्थानका २१ वर्षीय रेवन्त दासले आठ वर्षीया बालिकालाई पानी माग्ने निहुँमा बलात्कार गरेका छन् । बालिकाका आफन्त रोपाइँ ...

vianet

लोकप्रिय

मनोरञ्जन

Top