sangrila Bank

प्रचण्डमाथि २६ बुँदे आरोप लगाउँदै लोकेन्द्र विष्टद्वारा पार्टी परित्याग, स्वतन्त्र भएको घोषणा !

काठमाडौं । नेकपा माओवादीका प्रभावशाली नेता लोकेन्द्र विष्टले पार्टी परित्याग गरेको घोषणा गरेका छन् । दियोपोस्टसँग कुराकानी गर्ने क्रममा विष्टले आफू अब स्वतन्त्र भएको घोषणा गरेका हुन् ।

‘मैले पार्टीको केन्दीय कार्यालय सदस्य, पर्यटन र केन्द्रीय उत्पादन विभाग, पर्यटन विभागको इन्चार्ज र पार्टी सदस्यबाटै राजिनामा दिएको छु । सामान्य जनसाधरण र शुभचिन्तक मात्रै हुँ । म अहिले स्वतन्त्र छु,’ उनले भने,‘ समर्थक शुभचिन्तक कसको हुने भन्ने कुरा मैले सोच्नु पर्छ । सोच्नु पर्छ किन भने म कसैको लगाभमा छैन । म ‘इन्डिपेन्डेन्ट’ छु । हिजो पार्टी सदस्य लिनेबेला पनि स्वतन्त्र थिएँ । पार्टी सदस्य लिएर चालिसवर्ष करिब काम गरेँ । अब पनि म फेरी स्वतन्त्र भएँ । अब कता लाग्ने वा नलाग्ने मेरो सेल्फ डिसिजनको कुरा भयो । न म प्रचण्ड र ओलीको एकता हुने पार्टीमा हुन्छु न प्रचण्डको पार्टीमा छु न त अर्को कोही को । अहिले म स्वतन्त्र छु ।’

उनले आफ्नो राजिनामा पार्टी अध्यक्ष पुष्पकमल दहाल प्रचण्डलाई बुझाइ सकेको समेत बताए । ‘कुनै ठोस जिम्मेवारी दिए फेरी माओवादीमा फर्कनु हुन्छ ? भनेर दियोपोस्टले सोधेको प्रश्नमा उनले भने,‘ म अब फर्कन्न । अब मेरो काम गर्ने पुग्यो । मैले अझै पाँच सात वर्ष गरिएला भन्ने सोचेको थिएँ । तर, यहाँ त्यस्ते भएन । मेरो मात्रै के कुरा धेरै साथीहरु त्यत्तिकै घाम तापेर बसेका छन् ।’

उनले माओवादी अध्यक्ष प्रचण्डमाथि विभिन्न २६ बुँदे आरोप समेत लगाएका छन् । वाम धुर्विकरणमा १० बुँधे र अन्य १६ बुँदे आरोप माओवादी अध्यक्ष प्रचण्डमाथि लगाएका छन् । विष्टले भनेका छन्,‘,‘लभ गर्ने एउटा सित, ,लगनगाँठो अर्कै सित, भन्ने एउटा गर्ने अर्कै, ओँठमा चुम्बन गर्ने पिठ्युमा छुरा रोप्ने, दिनलाई रातरातलाई दिन, लुकिङ लन्डन टर्निङ टोकियो, भातका लागि साथ विर्सने, लाभका लागि भात विर्सने, हिँड्दै पाइला मेट्दै गर्ने, डर मान्नेको भर मान्ने, भर मान्नेको डर मान्ने, साथी र शहीदको रगत÷लाशमाथि आफ्नो निजी र निहितस्वार्थपूर्तिमा चुर्लुम्म डुब्ने, चरम अविश्वसनीय चरित्र र प्रवृति ।’

यसअघि विष्टले बुझाएको २१ बुँदे कार्यान्वयनमा कुनै तत्परता देखाएको, सिंगो संगठन सेटमा चलायमान गर्ने नभएर आफू र अंश मात्र रमाएको, बेला बखत समयसमयमा चित्त नबुझे निस्किएर गए हुन्छ भन्दै धम्क्याएको, पार्टी टुक्रा टुक्रा भएर जाँदा पनि आफू दोषी नहुनु तर अरुलाई मात्रै दोषी करार गरेको, पार्टीलाई संस्थागत र सामुहिक भन्दा पनि नितान्त व्यक्तिगत चिन्तन र सोँचमा चलाएको लगायत आरोप लगाएका छन् ।
विष्टको विस्तृत अन्तर्वार्ता दियोपोस्टमा प्रकाशित हुनेछ । प्रतिक्षा गर्नुहोस् ।

विष्टको अन्तर्वाता पढ्नुहोस

लोकेन्द्र विष्टको खुलासा: ‘प्रचण्ड निवासमा ‘रअ’ र सिआइएको मान्छे टुप्पी नाघेर प्रवेश गर्छन्’

प्रतिकृया लेख्नुहोस्:

सम्बन्धित

यसरी हुन्छ मेडिकल शिक्षामा ‘दलाली’ : किस्ट मेडिकल कलेजमा पैसाको बार्गेनिङ (गोप्य भिडियो हेर्नुहोस्)

Monday, 16 July 2018

शिक्षण अस्पताल महाराजगन्जका हाड जोर्नी विशेषज्ञ डा. गोविन्द के.सी. १५ औँ पटक अनसनमा बसिरहेका छन् । यसपटक उनी मुलुककै दुर्गम ...

३३ किलो सुन प्रकरणः गोरेका भाई रमेश यूएईबाट पक्राउ

Sunday, 15 July 2018

काठमाडौँ । ३३ किलो सुन प्रकरणका मुख्य अभियुक्त मानिएका चुडामणी उप्रेती गोरेका भाई रमेश उप्रेती पक्राउ परेका छन । सुन ...

विश्वकप २०१८ को अन्त्य आज हुँदै: को बन्ला विजेता, फ्रान्स या क्रोएशिया !

Sunday, 15 July 2018

काठमाडौँ । एक महिना देखी जारी विश्वकपको टुंगो आज लाग्दै छ । मस्कोस्थित लुझ्निकी रंगशालामा आईतबार राति हुने खेलले विश्वको ...

‘मून्द्रे’ कर्मचारीको ‘कर्तूत’ लुकाउन सुनापती गाउँपालिका अध्यक्षले निकाले यस्तो विज्ञप्ती !

Saturday, 14 July 2018

दियोपोष्ट संवाददाता रामेछाप । सुनापति गाउँपालिकाभित्र कर्मचारीको मिलेमतोमा भएको अनियमितताको ढाकछोप गर्न जनप्रतिनिधिहरु अघि सरेका छन् । गाउँपालिकाभित्र भएको विकास ...

होटल मजदुरको अधिकारमाथि ‘लात हान्दै’ नेताले गरे पैसा भागबण्डा गर्ने सम्झौता, अधिकार माग्न नपाइने !

Thursday, 12 July 2018

काठमाडौं । होटल तथा क्यासिनोमा कार्यरत मजदुरहरुले आगामी दिनमा आफ्नो अधिकार माग गरेर आवाज समेत उठाउन नपाउने भएका छन् । ...

नवलपरासीमा सुनवलमा बस दुर्घटना, एकको मृत्यु २० घाईते !

Thursday, 12 July 2018

काठमाडौँ । नवलपरासीको भूमहीमा यात्रुवाहक बस दुर्घटना भएको छ । नारायणघाटबाट नेपालगञ्ज हिडेको ना ६ ख ९४३८ नम्बरको बस अनियन्त्रित ...

अहिलेसम्म नेपालका २६ गैँडा उपहारस्वरुप विदेश पुगे, कुन देशलाई के दिईयो ?

Thursday, 12 July 2018

रत्ननगर– नेपालले लिने मात्रै होइन दिन पनि जानेको छ भन्ने कुरा पटकपटक विभिन्न राष्ट्रलाई दिइएको दुर्लभ वन्यजन्तुको उपहारले प्रस्ट पार्छ ...

रातभरिको वर्षाले भक्तपुर डुवानमा: उद्धारकार्यमा नेपाली सेनाद्धारा डुङगा, क्रेन र हेलिकप्टरको प्रयोग !

Thursday, 12 July 2018

काठमाडौँ । मंगलबार रातिको वर्षाले काठमाडौँ उपत्यकालाई अत्याधिक प्रभाव पारेको छ । उपत्यकाको भक्तपुर त डुवानमै परेको छ । भक्तपुरको ...

८८ प्रतिशत खानेपानीमा दिसा !

Thursday, 12 July 2018

भक्तपुर -  भक्तपुरवासीले प्रयोग गर्दै आएका ८८ प्रतिशत खानेपानीमा दिसामा पाइने कोलिफर्म पाइएको छ । जिल्ला जनस्वास्थ्य कार्यालयले बुधबार यहाँ ...

vianet

लोकप्रिय

मनोरञ्जन

Top