sangrila Bank

यी हुन् शरीरमा सिक्का पैसा लगाएर हिँड्ने ‘सिक्काबाबा’, भन्छन्,‘गिनिज बुकमा नाम लेखाउँछु’

रीता बुढाथोकी

काठमाडौँ । होँचो कद । पातलो शरिर । केही कालो वर्ण । शरिरभरि टाँसिएका १५ किलो बराबरको सिक्का । साथमा नेपालको राष्ट्रिय झण्डा पनि । आम मानिस भन्दा केही फरक देखिन्छन् उनी ।

यस्तै हुलिया लिएर कहिले पूर्व त कहिले पश्चिम तिर भौतारिन्छन् । बिगत ६ वर्षयता ठाँउ–ठाँउमा आफ्नो परिचय स्थपनाका लागि घुमन्ते बनेका उनी केही महिना पहिले सुदुरपश्चिमको धनगढीमा भेटिएका थिए । हिजो आज भने काठमाडौँका गल्लीहरुमा देखिन्छन् । पहिचानको खोजी मात्र होइन, जातीय मुक्ति र देशलाई विश्वसामु चिनाउने सपना बोकेर हिडेका उनीसंग केही सपना छन्, केही रहर छन् र फरक पहिचान बनाएर विश्व सामु देशलाई चिनाउने धोको पनि छ । हो, तिनै फरक मान्छे जसलाई आम मानिसले पागलको संज्ञा दिन समेत पछि पर्दैनन्् । उनी हुन्, कास्की हेम्जाका ४३ वर्षिय रामबहादुर परियार उर्फ–‘सिक्का बाबा’ ।

रामबहादुर परियार ‘सिक्का बाबा’को नामले चिनिन थालेको ६ वर्ष भइसक्यो । के शरीरभरि सिक्का टासेर पनि पहिचान निर्मण हुन्छ त ? राम बहादुर यो प्रश्नको सटिक उत्तर दिन्छन्,– ‘हामीले सधै अरुले नगरेको काम गर्नु पर्छ, त्यही भनेर नै मैले यसो गरेको हो’ । उनले आफुले लगाउने लुगामा दुईसय ६ देशका झन्डै १५ किलोग्राम सिक्का टाँसेका छन् ।

साथमा नेपाली झण्डा सहित नेपाली भादगाउँले टोपी लगाएर विश्व भ्रमणमा निस्किने तयारीमा छन् ।

एउटा पाललो शरिरमा १५ किलोको सिक्का टाँसेर हिड्दा उनलाई कहाँ सजिलो छ र ? शरिरभरि सिक्का टाँस्नुकोे रहस्योद्घाटन गर्दै उनी भन्छन्– ‘मैले सपनामा दखेको कुरालाई बिपनामा साकार गर्दैछु ।’ जतीबेला उनी नेपाल प्रहरी र नेपाली सेनाको जुत्ता सिलाउने काम गर्थे । सेना प्रहरीको जुत्ता सिलाउने काम भए पनि उनको त्यो सरकारी जागिर थियो । एकदिन उनले एउटा यस्तो सपना देखे, आफ्नो शरिर भरि सिक्कै–सिक्का टाँसिएको र त्यही सिक्का बोकेर संसार घुमेको । सुरुमा उनले आफ्नो सपनालाई वास्ता गरेनन् । दिनभरि जुत्ता सिलाए, साँझ घर फर्किए । मानौं उनले त्यो सपना बिर्सिसकेका थिए । तर त्यही सपना दोस्रो र तेस्रो रात पनि लगातार देखे पछि उनलाई अचम्म लाग्यो । किन यस्तो सपना देखे हुँला भनेर मनमा हजार कौतुहुलता जाग्यो ।

त्यसपछि आफैले मनमा एउटा संकल्प लिएर निद्रामा देखेको सपना वास्तविक जीवनमै पुरा गर्ने संकल्प गर्न थाले । मनमा अठोट लिए र सिक्का जम्मा गर्न तिर लागे । सुरुमा सिक्का जम्मा गर्न नै उनलाई मुस्किल थियो । सरकारी जागिर र आफ्नो सीप नै त्यागेर सपना पुरा गर्न तम्सिएका परियारले निकै अपप्ठ्यारोको सामना गर्नु पर्यो । ‘सुरुमा त मान्छेलाई आफ्नो बारेमा बुझाउनै गाह्रो,’ उनले भने,‘सबैले बौलाहा भनेर हेप्ने र खिसी–ट्युरी समेत गर्थे ।’

सुरुमा नेपाली र केही भारतीय सिक्का जम्मा गरेर कपडामा टाँसेका उनले पोखराको लेकसाइडतिर घुम्न आउने विदेशी पर्यटकको सहयोगमा अन्य देशका सिक्का समेत जम्मा गरे । उनीसंग यतीबेला २०६ देशका सिक्का छन् । उनले अगाडी र पछाडि दुवैतिरबाट लगाउन मिल्ने १९ वटा कपडाको टुक्राबाट एउटै कमिज र सुरुवाल उनी आफैले सिलाएर ती सिक्का त्यही कपडामा टाँसे । आफ्नो चिनारीका रुपमा उनले ती सिक्का टाँसेको कपडा लगाएर हिँड्न थाले । सिक्का टाँसेको कपडा लगाएर उनले २ पटक पुरै नेपालको भ्रमण गरि सकेका छन्् । २०६९ मङ्सिर २१ गतेदेखि भ्रमण थालेका परियारले नेपालका ७५ जिल्लामा पुरेर सिक्का प्रदर्शन गरिसकेका छन् । १७ वर्षभित्र विश्वभ्रमण गरिसक्ने उनको योजना छ । शान्ति, स्थिरता र संविधानको पूर्ण कार्यान्वयनसंगै जातीय विभेदको अन्त्य गर्ने दबाबमुलक सन्देश दिन विश्व भ्रमण सुरु गर्न लागेको उनको भनाई छ ।

विश्व भ्रमणको सुरुवात भारतबाट गर्ने उनको तयारी छ । त्यस पछि अन्य देशमा पनि नेपाल र नेपालीको शान राष्ट्रिय झण्डा सहित सिक्का प्रदर्शन गर्ने आफ्नो योजना रहेको उनले बताए । यसका लागि उनले विभिन्न सरकारी तथा गैरसरकारी संघ–संस्थालाई गुहारेर, व्यवसायी तथा अन्य सहयोगी मार्फत आर्थिक संकलन गरि भ्रमण खर्च जुटाएका छन् । विश्व भ्रमणका लागि चाहिने सबै आवश्यक तयारी पुरा गरेको भए पनि नेपाल सरकारले नेपालबाहेक अन्य मुलुकमा भ्रमणका लागि मान्यता नदिएका कारण विश्व भ्रमणमा निस्किन नपाएको उनको गुनासो छ । उनीसंग राहधानी समेत छैन । उनले काठमाण्डौ आई राहदानीका लागि पराराष्ट्र मन्त्रालयमा आग्रह समेत गरेका थिए । तत्कालिन परराष्ट्र मन्त्री कमल थापासंग राहदानीका लागि कुरा समेत भएको उनी बताउँछन् । “मन्त्रीले सोचौँला मात्र भन्नु भयो तर पछि जाँदा मन्त्रीका तलका मान्छेले उहाँलाई पनि भेट्न दिएनन्,” दुखेसो पोख्दै उनले भने ।

त्यसपछि उनले राहदानी बनाउनका लागि गृह मन्त्रालयसंग पनि आग्रह गरेका थिए । गृहमन्त्रीले निवेदनमा तोक लगाइदिए पछि निवेदन दर्ता भएको तर सचिवले भोलि– भोलि भन्दै टारेको र अन्त्यमा झपारेर पठाएको उनले बिर्सेका छैनन् । “दिनुहुन्न भने ठिकै छ, भन्दै म पनि आफ्नो बाटो लागे ।” मन्त्रालयका कर्मचारीको कार्यशैलीका कारण आफु पीडित भएको प्रति उनको गुनासो छ । सरकार गरिवका लागि नभएर धनीको मात्र भएको उनको ठम्याँई छ । भन्छन्,– “सरकारले हामी जस्ता गरिवलाई कहाँ सहयोग गर्छ र ?” तर पनि उनको विश्व यात्रा गर्ने चाहानामा कत्ति पनि कमी भएको छैन । पासपोर्ट बनेपछि सरकारले फुकुवा गर्ने बित्तिकै भ्रमणमा निस्किने उनले बताए ।

काठमाडौँमा आफु पटक–पटक अपमानित हुनु परे पनि अन्य जिल्लामा भने आफ्नो स्वागत हुने गरेको उनी बताउँछन् । बाहिरी जिल्लाका स्थानीय प्रशासनले समेत आफूलाई सहयोग गरेको उनको भनाई छ । प्रत्येक जिल्लामा जाँदा सुरक्षा र खान बस्नको व्यवस्था त्यहीँको प्रहरी प्रशासनले मिलाउँदै आएको पनि उनले बताए । तर, यात्राका क्रममा कपडामा टाँसेका कैयौँ सिक्का खस्ने गरेका कारण सिक्का सम्हाल्न मुस्किल भएको प्रति उनको चिन्ता छ । त्यसो त, सिक्का हराउने मात्र नभएर चोरी हुने संभावना पनि उत्तिकै हुन्छ । त्यसैले उनले लुटपाट र चोरी नहोस् भनेर पच्चहत्तरै जिल्ला प्रशासन कार्यालयबाट स्वकृति समेत लिएका छन् ।

एकदिन हेम्जास्थित आफ्नै घरमा कपडा धोइरहेका उनलाई एकजना अपरिचित ब्यक्तिले फोन गरे । नयाँ नम्बर भएका कारण उनले त्यो फोन उठाएनन् । धेरै बेर सम्म फोन बजेपछि फोन उठाए । फोनमा उक्त अपरिचित ब्यक्तिले आफु एक गैर सरकारी संस्थाको मान्छे भएको र विश्व भ्रमणका लागि आफ्नो संस्थाले सहयोग गर्ने भन्दै उनलाई काठमाडौँ आउन आग्रह गरे । खुसी हुँदै उनी काठमाडौं हानिए । र, फोन गरेर बोलाउने उक्त ब्याक्तिलाई सम्पर्क गरे तर सम्पर्कमा आएनन् । धेरै दिनदेखि उनी आफुलाई फोन गर्ने ब्यक्तिको खोजी गर्दै काठमाण्डौँका गल्ली तिर भौतारिए तर लाख कोसिस गर्दा पनि भेट हुन सकेन । आफुलाई फोन गरेर ठग्ने उक्त ब्यक्तिका कारण आफुले दुख पाएको उनी बताउँछन् । यस्ता मान्छे समाजमा धेरै भएको र सोझा र इमान्दार ब्यक्तिहरु त्यसको सिकार हुने गरेको उनको भनाई छ ।

सामाजिक मुद्दा लिएर विश्व यात्रामा जाने सपना पालेर हिँडेको आफूमाथि राज्यले भने हेलाहोँचो मात्रै गरिरहेको उनको गुनासो छ । ‘म देशको नाम उचाईमा पुर्याउँन हिँडेको हुँ,’ उनी भन्छन्,‘मलाई राज्यले न्याय गरिदियोस् । मेरो सपना पुरा गर्ने सारथी बनिदियोस् ।’

प्रतिकृया लेख्नुहोस्:

सम्बन्धित

चुरोटको लत छुटाउन चाहनुहुन्छ ? अपनाउनुहोस् यि चार उपाय !

Saturday, 22 September 2018

काठमाडौँ,६ असोज । वर्तमान समयमा किशोर किशोरी देखी लिएर वृद्धवृद्धाहरु चुरोटको दुव्र्यसनबाट पिडित छन । किशोर किशोरी हरु संगतको कारणले ...

मलेशियामा विषाक्त मदिरा सेवन गरी ज्यान गुमाउने नेपालीको संख्या ६ पुग्यो

Wednesday, 19 September 2018

काठमाडौं, असोज ३ । मलेसियामा विषाक्त मदिरा सेवनबाट मृत्यु हुने नेपालीको सङ्ख्या आज बिहानसम्म छ पुगेको छ । विषाक्त मदिरा ...

परिवार नियोजनबारे जानकारी भएपनि प्रयोग कम

Tuesday, 18 September 2018

काठमाडौँ, २ असोज । परिवार नियोजनका बारेमा आम व्यक्तिलाई जानकारी छ तर प्रयोगदर भने न्यून नै रहेको पाइएको छ । ...

किन दुख्छ ढाड ? कस्ता व्यक्तिलाई दुख्छ ढाड !

Monday, 17 September 2018

पछिल्लो समयमा ढाड दुख्ने समस्या भएको बिरामीको संख्या बढ्दो छ । अव्यवस्थित जीवनशैली, खानपान,शारीरिक मुभमेन्ट, बसाई नमिल्नु आदि कारणले ढाड ...

यस्ता छन् सय वर्ष नाघेका तन्नेरी !

Sunday, 16 September 2018

धनकुटा, भदौ ३१ । दैनिक ६ घण्टाा कम्तीमा खटाइ । उनको लगन, खटाइ र स्फूर्ति देखेर सबै चकित पर्छन् । ...

तपाईको तातु खुईलिने समस्या छ ? यसो गर्नुहोस् !

Thursday, 13 September 2018

काठमाडौं । कपाल झरेर तालु खुइलिने समस्याको उपचार हड्डीसम्बन्धी एक प्रकारको रोग ओस्टेओपोरोसिसका लागि प्रयोग हुने औषधिबाट हुन सक्ने बलियो ...

जहाँको पानी नमिसाइ स्थानीयबासिन्दाको खाना पाक्दैन

Thursday, 13 September 2018

परासी, भदौ २८ । पश्चिम नवलपरासीमा एउटा यस्तो पोखरी छ जहाँको पानी नमिसाई त्यहाँका स्थानीयवासीको खाना पाक्दैन् भने पोखरीको माछा ...

यस्ता देखिए तिजको दिन महिलाहरु ! (फोटो फिचर सहित)

Thursday, 13 September 2018

काठमाडौं, भदौ २८ । भाद्र शुक्ल तृतीयाका दिन मनाइने हरितालिका तीज पर्वका अवसरमा पशुपतिनाथ मन्दिर र देशका विभिन्न धार्मिक स्थलहरुमा ...

‘सुस्त बालिका’ लाई गर्भनिरोधक ३ महिने सुई !

Tuesday, 11 September 2018

काठमाडौं, भदौ २६ । जन्मँदा उनको अवस्था सामान्य थियो । हुर्कँदै जाँदा आम शिशुभन्दा फरक देखिईन । टाउको सानो, अनुहार ...

vianet

लोकप्रिय

मनोरञ्जन

Top