sangrila Bank

अन्नपूर्ण क्षेत्रलाई ‘पर्या पर्यावरण कुमारी क्षेत्र’ घोषणा गर्ने

रासस

–वासुदेव पौडेल

पोखरा । अन्नपूर्ण गाउँपालिकाले अन्नपूर्ण क्षेत्रलाई ‘पर्या पर्यावरण कुमारी क्षेत्र’ घोषणा गर्ने भएको छ ।

विश्वका १० उत्कृष्ट पदमार्गमध्ये पर्ने अन्नपूर्ण पदमार्ग क्षेत्रको पर्यावरणीय संरक्षणलाई दृष्टिगत गरी गाउँपालिकाले उक्त नीति अवलम्बन गर्न लागेको हो ।

गाउँपालिकाका प्रमुख युवराज कुँवरका अनुसार अन्नपूर्ण आधार शिविर मार्गमा पर्ने छोम्रेङमाथि कुनै पनि पूर्वाधार विकासका नाममा मेसिनरी औजार प्रयोग गरिने छैन ।

अन्नपूर्ण हिमालको आधार शिविरलगायत अन्य आवश्यक स्थानमा साझेदारी नीतिका आधारमा पर्यटकको बसाइँ व्यवस्थित, सुरक्षित बनाउन सार्वजनिक जग्गामा रहेका लज एवं रेष्टुरेन्टमा निश्चित कोठा थप गर्ने नीति अवलम्बन गरिने कुँवरले जानकारी दिए ।

पदमार्ग क्षेत्रमा होटलको स्तरोन्नतिका साथै होटेलको संख्या थप गर्न र पर्यापर्यटनमा अभिवृद्धि गर्न कार्यदल निर्माण गरी त्यसबारे आवश्यक अध्ययन गरी निर्णय लिने गाउँपालिकाको योजना छ ।

अध्यक्ष कुँवरका अनुसार पदयात्रा पर्यटनको विकासका लागि गाउँपालिकाले हालै ग्रेट अन्नपूर्ण ट्रेकिङ ट्रेलको डिपिआर तयार गरेको छ । पदयात्रा पर्यटनलाई गाउँपालिकाले प्राथमिकतामा राख्नु स्वागतयोग्य भएको टे«किङ एजेन्सीज एशोसिएसन अफ नेपाल (टान) पश्चिमाञ्चल क्षेत्रीय संघका अध्यक्ष दीपकराज अधिकारीले बताए ।

‘अन्नपूर्ण चक्रिय पदमार्गको उत्तर तर्फका मार्ग संकटमा परिरहेका अवस्थामा दक्षिणी भेगतर्फ यसको संरक्षण एवं प्रवद्र्धनमा भइरहेको प्रयास सह्रारनीय छ,’ उनले भने, ‘अन्नपूर्ण गाउँपालिका जस्तै माछापुच्छे, मादी जस्ता गाउँपालिकाले पनि पद्यात्रा पर्यटनलाई प्राथमिकतामा राख्नु आवश्यक छ ।’

मर्दी ट्रेक, माछापुच्छ«े मोडल टे«क, किर्कु पास, कफुचे लेक जस्ता पदमार्गको संरक्षण एवं प्रवद्र्धन आवश्यक रहेको उनले बताए ।

अन्नपूर्ण क्षेत्रमा विशेष राहत, उद्धार एवं विपद्को अवस्थामा बाहेक हवाई हेली उडान कटौती गरी ध्वनी प्रदूषण रोक्ने नीति अवलम्बन गरिने गाउँपालिका प्रमुख कुँवरले बताए ।

अन्नपूर्ण क्षेत्रमा प्रयोग भइरहेका हेलिकोप्टर र त्यसको आवाजसँगै ध्वनीप्रदूषण भइरहेको र त्यसका कारण त्यहाँ रहने जीवजन्तुलाई असर परिरहेको अवस्थाप्रति गम्भीर बन्नुपर्ने अवस्था आएकोमा गाउँपालिकाले थालेको यो प्रयास सकारात्मक भएको टान पश्चिमाञ्चल क्षेत्रीय संघका वरिष्ठ उपाध्यक्ष हरि भुजेल बताउँछन् ।

गाउँपालिकाले पर्यापर्यटनको संरक्षणलाई लक्षित गरी कार्यक्रम ल्याउनु सकारात्मक भएको बताउँदै उनले पर्यापर्यटनको संरक्षण अपरिहार्य भएको धारणा व्यक्त गरे ।

अन्नपूर्ण क्षेत्रको प्रवद्र्धनका लागि आधार शिविरमा प्रथम हिमाल आरोही मौरिस हर्जोगको सालिक स्थापना गरी अनावरण गरिने तयारी पनि गरिएको छ ।

वर्षेनी ठूलो संख्यामा विदेशी पर्यटक यस क्षेत्रमा पदयात्राका लागि आउने गरेका छन्, भने पछिल्ला समयमा स्वदेशी पर्यटकको आकर्षण पनि उत्तिकै बढेको छ । अघिल्लो वर्ष अन्नपूर्ण पदमार्ग क्षेत्रमा ३२ हजार पर्यटकले पद्यात्रा गरेका छन् ।

नयाँ पुलदेखि वीरेठाँटी, तिखेढुंगा घोडेपानी मुक्तिमार्ग धेरै स्वदेशी एवं विदेशी पर्यटकले रुचाइएको पदमार्ग हो ।

यस्तै नयाँ पुल–वीरेठाँटी–घान्द्रुक, नयाँ पुल–विरेठाँटी–तिखेढुंगा–उल्लेरी–घोरेपानी, नयाँ पुलदेखि घान्द्रुक हुँदै छोम्रोङदेखि अन्नपूर्ण आधार शिविरसम्मको पदमार्ग, घान्द्रुक– घोरेपानी, सिवै–झिनु–छोम्रोङ, लान्द्रुक–झिनु–छोम्रोङ, टाढापानी–घुर्जुङदेखि आधार शिविर, लुम्ले–पोथना–ठूलाखर्क हुँदै मर्दी हिमालसम्मको पदमार्ग लगायतका पदमार्ग यहाँका आकर्षण हुन् ।

वनजंगल, उच्च पहाडी एवं हिमाली भू–भाग भएका कारण यो क्षेत्र पर्यापर्यटनका लागि महत्वपूर्ण सम्भावना बोकेको छ । यस गाउँपालिकामा आठ हजार ९१ मिटर उचाइको अन्नपूर्ण पहिलो पर्दछ भने सात हजार दुई सय १९ मिटरको अन्नपूर्ण साउथ पनि यसै क्षेत्रमा पर्छ ।

त्यस्तै छ हजार ७४१ मिटरको हिउँचुली, सात हजार ६४७ मिटरको बराहचुली, ६ हजार ५०० एक मिटरको सिन्गुचुली, ६ हजार ४४१ मिटरको पातलचुली, पाँच हजार ६९५ मिटरको टेण्ट पिक (थर्पुचुली) र चार हजार एक सय पाँच मिटरको खयर बराहयहीँ पर्दछन् ।

यहाँ पाँचऔँंले, सतुवा, वन लसुनजस्ता दुर्लभ एवं अत्यन्त महत्वपूर्ण जडीबुटी पाइन्छ भने डाँफे, मुनाल, घोरलजस्ता जीवजन्तु यस गाउँपालिकामा पाइन्छ ।

प्रतिकृया लेख्नुहोस्:

सम्बन्धित

मिर्गौलापीडित बालिकालाई आर्थिक सहयोग

Saturday, 22 September 2018

खोटाङ, ६ असोज ,खोटाङ दिक्तेल रुपाकोट मझुवागढी नगरपालिका–३ बाम्राङकी मिर्गौलापीडित ९ वर्षीया सुस्मिता विश्वकर्मालाई रु २२ हजार ५०० आर्थिक सहयोग ...

किसानको आकर्षण खुमल–४ धानप्रति, यसमा छन् यस्ता विशेषता

Saturday, 22 September 2018

ललितपुर, ६ असोज । नेपालमा सबैभन्दा बढी किसानले लगाउने खुमल–४ जातका धानको बीउमा विभिन्न किसिमका समस्या देखिए पनि किसानको आकर्षण ...

श्रीमानकाे कुटाइबाट श्रीमतीको मृत्यु

Saturday, 22 September 2018

बागलुङ, असोज ६ । सामान्य विवादकाक्रममा श्रीमान्ले लठ्ठी प्रहार गर्दा बागलुङको ताराखोला गाउँपालिका–२ मा ७० वर्षीया श्रीमतीकोे मृत्यु भएको छ ...

दसैं टीकाको उत्तमसाइत कात्तिक २ गते बिहान ९ बजेर ५१ मिनेटमा

Saturday, 22 September 2018

काठमाडौं, असोज ६ । नेपाल पञ्चांग निर्णायक समितिले यस वर्षको दसैंका विभिन्न साइत सार्वजनिक गरेको छ । यस वर्ष असोज ...

१०० वर्षमा राष्ट्रकविः ‘यो जीवनीको रस प्यून जानौं !’

Saturday, 22 September 2018

प्रकाश सिलवाल  काठमाडौं, असोज ६ । ‘बुढेससम्मन् पनि ज्यून जानौं यो जीवनीको रस प्यून जानौं’ वरिपरि पहाडले घेरिएको लमजुङको पुस्तुन ...

निर्मला हत्याकाण्डका दोषीलाई कारबाहीको माग गर्दै नेपाल महिला संघले प्रधानमन्त्रीलाई ज्ञापनपत्र बुझाउने

Saturday, 22 September 2018

काठमाडौं, ६ असोज । नेपाल महिला संघले बलात्कारपछि हत्या गरिएकी बालिका निर्मला पन्तको वास्तविक दोषीलाई सरकारले यतिका दिनसम्म पनि कानुनी ...

सरकारले लोकतान्त्रिक चरित्र छाड्न हुँदैन : कांग्रेस प्रवक्ता शर्मा

Saturday, 22 September 2018

नेपालगञ्ज, असोज ६ । नेपाली कांग्रेसका प्रवक्ता विश्वप्रकाश शर्माले संविधानको सफल कार्यान्वयनका लागि सरकारले लोकतान्त्रिक पद्दति र चरित्र छाड्न नहुने ...

जथाभावी फोहर फाल्नेलाई बढी कर लगाऊँ :मन्त्री पण्डित

Saturday, 22 September 2018

भक्तपुर,६ असोज- सङ्घीय मामिला तथा सामान्य प्रशासन मन्त्री लालबाबु पण्डितले जथाभावी फोहर फाल्ने नागरिकको पहिचान गरेर जरिवानास्वरुप बढी कर लगाउनुपर्ने ...

रेलमार्ग निर्माणका लागि घरघुरी सर्भेक्षणको काम अन्तिम चरणमा

Saturday, 22 September 2018

कञ्चनपुर, ६ असोज , मेची–महाकाली विद्युतीय रेलमार्ग निर्माणका लागि विस्तृत परियोजना प्रतिवेदन (डिपिआर) तयार गर्ने कार्यअन्र्तगत घरधुरी सर्भेक्षणको काम अन्तिम ...

vianet

लोकप्रिय

मनोरञ्जन

Top