sangrila Bank

सल्यान्टारमा पानीको हाहाकार : ५५ लाखको खानेपानी ‘डिप बोरिङमै भ्रष्टाचार !

दियोपोष्ट संवादाता

धादिङ, २६ भदौ । धादिङको त्रिपुरा सुन्दरी गाउँपालीका १ सल्यान्टार दुई ठूला नदीहरु बुढी गण्डकी र आँखुको बीचमा अवस्थित छ । तर, दुवैतिरबाट ठूला नदीले घेरिएको सल्यान्टारमा भने खानेपानीको हाहाकार छ । सल्यान्टार नजिकै पानीको मुहान नभएको भने होइन तर त्यसलाई व्यवस्थित गर्न नसक्दा स्थानियहरु एक गाग्री पानीका लागि एक विहान हिँड्नुपर्ने बाध्यतामा छन् ।

सल्यान्टारको वडा नम्बर १ मा रहेको पाँनधारेमा एक विहान हिँडेर एक गाग्री पानी ल्याउनुपने बाध्यता उनीहरुमा छ । ‘एक गाग्री पानी लिन जानलाई बिहानभरी लाग्छ’, एक स्थानीयले दुःख पोख्दै भने,–‘हामी जस्ता उमेर ढल्केकाहरुलाई त झन यो उकालो हिड्न सारै गाह्रो छ ।’

कुमाल र दराई समुदायको बाहुल्य रहेको सल्यान्टारमा पटक–पटक विकास योजनाहरु परेपनि त्यसको कार्यन्वयनको पाटो भने चित्तबुझ्दो छैन । पानीको निक्कै हाहाकार भएसँगै गाउँपालिकाको सक्रियतामा केही महिनाअघि नै पाँचधारे डिल भन्ने ठाउँबाट ‘डिप बोरिङ’को काम सम्पन्न भयो ।

केही महिनाअघिदेखि नै ४० लाख रुपैयाँको लगानीमा ‘डिप बोरिङ’ मार्फत खानेपानी तानिएको भएपनि स्थानीयले भने पिउन त के देख्न समेत पाएका छैनन् ।
डिप बोरिङमा ४० लाख, पाईप खरिद र मिटर जडानका लागि भन्दै गाउँपालिकाले थप दिएको १२ लाख र ६५ घरधुरीबाट ५/५ हजारका दरले उठाईएको ३ लाख २५ हजार रुपैयाँ गरी जम्मा ५५ लाख २५ हजार रुपैयाँ खानेपानिमा खर्च भएको छ । तर घरघरमा पानी भने झर्न सकेको छैन । उसै त सँधै पानीको हाहाकारा मच्चिने सल्यानटारमा खानेपानी निर्माण र वितरणमा अनियमितता र आलटाल हुँदा सल्यानटारबासी आक्रोसित भएका छन् ।

डिप बोरिङ पास गर्दा पैसाको चलखेल !

गाउँपालिकाको ४० लाख रुपैयाँ बराबरको बजेट खर्च भएको यो डिप बोरिङ पास गर्नका लागि कर्मचारीकै मिलेमतो रहेको खुलेको छ । कर्मचारीहरुले ४ लाख रुपैयाँ घुस लिएर योजना पास गरेको एक स्थानीयले बताए । उनले नाम नभन्ने सर्तमा दियोपोष्टलाई भने,–‘कर्मचारीले घुस नखाईकन काम नै नगर्ने भयो भनेर एकजना कर्मचारीले नै मेरै अगाडी भने, उनले मेरै अगाडी ४ लाख रुपैयाँ घुस खान्देको खुलासा समेत गर्न भ्याए ।’ अर्को कुरा, डिप बोरिङको लागि ४० लाख रुपैयाँ नै नचाहिने बोरिङ कम्पनीहरु बताउँछन् ।

घरघरमा वितरण गरिएको पाईप गुणस्तरहीन !

 

 

डिप बोरिङबाट पानी तानिएको महिनौँ बितिसक्यो । तर पानि घरघरमा पुर्याउने सपना भने अधुरा छन् । घरघरमा पानि पुर्याउनका लागि पाईप बिछ्याउने काम भएको त छ, तर पानि लैजाने पाईप भने कमसल छ । पाईप खरिदका लागि भनेर गाउँपालिकाले १२ लाख रुपैयाँ छुट्टै रकम छुट्याएको छ । वडा नं. १ को पानधारे डिलदेखि कोष ढुंगासम्म मिटर सहितको पानी पुर्याउनका लागि बिछ्याईएको पाईप उपभोक्ताको घरघरमा नपुग्दै बिग्रन थालिसकेको छ । अर्का एक स्थानीयले भने,–‘खानेपानी घरमा नपुग्दै पाईपहरु बिग्रन थालिसक्यो, गुणस्तरीय पाईप हाल्ने भनिएपनि कमसल पाईप हालेर जनतालाई ठग्ने काम भएको छ । यसमा सरासर आर्थिक चलखेल भएको छ ।’

स्थानीयसँग ३ लाख २५ हजार असुली !

खानेपानि उपभोक्ता समिति मार्फत आयोजनाको पाईप बिछ्याउने काम भएको प्रमुख प्रशासकिय अधिकृत ओम प्रकाश सुवेदीले बताए । उनले सबै कामको जिम्मेवारी उपभोक्ता समितिलाई दिएको र लगानीको २० प्रतिशत स्थानीय उपभोक्तासँग उठाईएको दियोपोष्टलाई जानकारी दिए । प्रमुख प्रशासकीय अधिकृत सुवेदीको भनाई अनुसार स्थानीयले २ लाख ४० हजार रुपैयाँ मात्रै तिर्नुपर्ने हो । तर, उठाईयो ३ लाख २५ हजार रुपैयाँ । प्रमुख प्रसासकीय अधिकृतको हिसाब नमिल्नुमा पनि आर्थिक हिनामिना भएको प्रष्ट देखिन्छ । पानि ट्याँकीदेखि कोष ढुंगासम्म मीटर सिस्टममा खानेपानि वितरणको लागि भन्दै गाउँपालिकाले नै १२ लाख रुपैयाँ विनियोजन गरिसकेको अवस्थामा स्थानीय सर्वसाधारणसँग ६५ घरधुरी बराबर ५ हजार रुपैयाँका दरले ३ लाख २५ हजार रुपैयाँ असुली गरेको छ । उपभोक्ताले यसको चर्को विरोध गरिरहेको छ ।

जिम्मा उपभोक्ता समितिलाई, काम सप्तरंगीलाई

अधिकृत सुवेदीले उपभोक्ता समिति मार्फत नै काम अघि बढाईएको बताएपनि सप्तरंगी निर्माण सेवालाई कामको जिम्मा दिएको खुल्न आएको छ । उपभोक्ता समिति आफैँले निर्माणको जिम्मा पाउँदा पाउँदै सप्तरंगी निर्माण सेवालाई यसको जिम्मेवारी किन दिईयो भन्ने प्रश्न पनि उठेको छ । सप्तरंगीले निर्माण जिम्मा लिएपनि त्यसको जस भने उपभोक्ता समितिलाई नै जान्छ ।

कांग्रेस वडाध्यक्षको यस्तो बद्मासी !

 

कांग्रेसबाट निर्वाचित वडा नम्बर १ का वडाध्यक्ष भोज बाहदुर रिजालले डिप बोरिङ आयोजनामा बदमासी गरेको पाइएको छ । वडाध्यक्ष रिजालले सार्वजनिक खरिद ऐन विपरित सप्तरङ्गी निर्माण सेवालाई मनोमानि हिसाबले टेन्डर दिएपछि उक्त कम्पनिले कमसल खालका पाइप र ‘च्यानल बक्स’ खरिद गरेर निर्माण थालेको थियो । वडाध्यक्षले ५ लाखभन्दा माथिको टेन्डर गर्न नपाउने नितिगत व्यवस्था रहेको थाहा पाएपछि रिजालले काम सम्पन्न भएपछि मित्र सिलवालकाे नेतृत्वमा उपभोक्ता समिति बनाएर रकम भूक्तानीका लागि माग गरेका थिए ।

‘काम सम्पन्न भइसकेपछि अर्को टेन्डर आह्वान गर्दा समस्या हुने देखियो । फेरी अर्को समिति बनाएर नै भूक्तानी लिएको हो,’ त्रिपुरा सुन्दरी गाउँपालिका अध्यक्ष शम्भु थापाले भने,‘प्रविधिको कुरा हामीलाई पनि थाहा हुँदैन । पानीमा गुणात्मक नभएपछि हामीले लामो समयसम्म भूक्तानी रोकेका हौँ ।’
गाउँपालिका अध्यक्ष थापाले उक्त खानेपानी आयोजना शुरु गर्नुभन्दा अघि प्राविधिक स्टिमेट समेत नभएको बताए ।

‘वास्तवमा भन्दा त्यो आयोजनामा पहिले नै हुनुपर्ने प्राविधिक स्टिमेट भएको थिएन । वडाध्यक्षले सम्झौता गरेर सामान झारेर काम सम्पन्न गर्नु भएको हो । पछि भूक्तानी लिनका लागि अर्को स्टिमेट तयार पारिएको हो,’ थापाले भने,‘जसरी पनि प्राविधिकले कार्य सम्पन्न भएको प्रतिवेदन तयार गर्नु पर्ने अवस्था आएको हो । गाउँलेको डेलीगेशन पनि थियो ।’

स्टिमेट माग्दा प्राविधिक नै मोबाइल स्विच गरेर फरार !

 

त्रिपुरा सुन्दरी गाउँपालिकामा कार्यरत इन्जिनियर राम शरण अधिकारीले दियोपोस्टसँग मंगलबार १० बजे भित्र उक्त खानेपानी आयोजनाको प्राविधिक स्टिमेट उपलब्ध गराउने बताएका थिए । तर, १० बजे उनको मोबाईल नम्बर ९८४१६४१६७४ मा सम्पर्क गर्दा ‘स्विच अफ’ गरिएको थियो । गाउँपालिका कार्यालय स्रोतका अनुसार उनले समेत उक्त खानेपानी पानी आयोजनामा किर्ते गरेका छन् ।

यसैबीच त्रिपुरा सुन्दरी गाउँपालीका वडा नम्बर १ का वडाध्यक्ष भोजबहादुर रिजालले दियोपोस्टमा प्रकाशित समाचार प्रति खण्डन गरेका छन् ।

यसअघि प्रकाशित समाचारमा उपभोक्ता समितिको अध्यक्ष मित्र सिलवाल हुनुपर्नेमा अन्यथा भएकोमा सच्याइएको छ ।

प्रतिकृया लेख्नुहोस्:

सम्बन्धित

पुर्वडिएसपीविरुद्ध बुहारीको उजुरी, अपराध महाशाखाले उजुरी लिएन !

Sunday, 23 September 2018

काठमाडौँ, ७ असोज । सामाजिक सञ्जाल फेसबुक म्यासेन्जरमार्फत जुठाजुले बुहारीलाई आपत्तिजनक शब्द प्रयोग गरेको उजुरीमा प्रहरीले  बेवास्ता गरेको छ । महानगरीय ...

अमृता फाउण्डेशनका म्यानेजरले महिला सहकर्मीमाथि यौन दुर्व्यवहार गरेको आरोप

Saturday, 22 September 2018

काठमाडौं, ६ असोज । अमृता फाउण्डेशन नेपालकी सल्लाहकार रमा कार्कीले आफ्नो संस्थामा कार्यरत म्यानेजर अमृत कार्कीले आफ्नै महिला सहकर्मीमाथि यौन ...

केपी ओलीलाई साक्षी राखेर प्रचण्डले भने,‘राम्रो काम नगरे हामी सबै एकै डुङ्गामा डुब्ने खतरा छ’

Saturday, 22 September 2018

काठमाडौं, ६ असोज । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले पूर्व एमाले र माओवादी पार्टी एकतापछि पार्टी एउटै ...

चुरोटको लत छुटाउन चाहनुहुन्छ ? अपनाउनुहोस् यि चार उपाय !

Saturday, 22 September 2018

काठमाडौँ,६ असोज । वर्तमान समयमा किशोर किशोरी देखी लिएर वृद्धवृद्धाहरु चुरोटको दुव्र्यसनबाट पिडित छन । किशोर किशोरी हरु संगतको कारणले ...

‘अन्तरजातिय विवाह गर्दा मेरो श्रीमानको हत्या भयो’

Friday, 21 September 2018

दिप्ति बथिनी ‘प्रणयले एउटी आमाले जसरी मेरो ख्याल राख्थे । उनले मलाई नुहाइदिन्थे, ख्वाइदिन्थे र मेरो लागि खाना बनाउँथे । ...

संविधान बनेको तीन वर्षपछि संघीयतामा जाँदै कांग्रेस, प्रवक्ता भन्छन्,‘यसैकारण चुनाव हारियो’

Friday, 21 September 2018

-टि.पी शर्मा काठमाडौं, ५ असोज । आफूलाई देशकै सबैभन्दा ठूलो लोकतान्त्रिक दल दाबी गर्ने कांग्रेस आफैं भने लोकतन्त्रको अभ्यासमा फितलो ...

भत्किएका सम्पदाको निर्माण पुरातत्वको मापदण्ड अनुसार नै गर्नुपर्ने पर्यटनमन्त्रीको जिकिर

Friday, 21 September 2018

भक्तपुर, ५ असोज । संस्कृति, पर्यटन तथा नागरिक उड्डयानमन्त्री रवीन्द्रप्रसाद अधिकारीले भूकम्पले भत्किएका सम्पदाको पुनःनिर्माण छिटोभन्दा छिटो गर्नुपर्ने बताएका छन ...

को हुन् ‘मानसिक रोगी’माथि लाठी र बुट बजार्ने प्रहरी हवल्दार ? भन्छन्,‘मैले एक झापड खाएँ’

Friday, 21 September 2018

प्रयास पराजुली काठमाडौं, ५ असोज । गत बुधबार सामाजिक सञ्जालमा एउटा भिडियो भाइरल बन्यो । राजधानीको गंगबु स्थित शिव मन्दिर ...

फोहोरको डंगुर छाडेर काठमाडौंका मेयर विद्या सुन्दर शाक्य श्रीमतीसहित अमेरिकामा मस्ति गर्दै !

Friday, 21 September 2018

काठमाडाैं, ५ असाेज ।  सरकारले वेदेशिक भ्रमणमा नियन्त्रण गरेको बताईरहँदा काठमाडौं महानगरपालिकाका मेयर विद्यासुन्दर शाक्य सरकारी खर्चमा श्रीमती लिएर अमेरिका ...

vianet

लोकप्रिय

मनोरञ्जन

Top