यी हुन् दुर्घटनाग्रस्त विमानका को–पाइलट अञ्जु खतिवडा
काठमाडौं । आज बिहानै पोखरामा भएको यती एयरलाइन्सको विमान दुर्घटनामा चालक दलका चार सदस्य पनि परेका छन्। विमानको पाइलट कमल केसी र को–पाइलट अञ्जु खतिवडा थिए।
को–पाइलट खतिवडाका पति दीपक पोखरेल पनि को–पाइलट नै थिए। उनी यती एयरलाइन्समै कार्यरत थिए । उनका श्रीमान पोखरेलको १६ वर्षअघि भएको विमान दुर्घटनामा निधन भएको थियो।
श्रीमानको मृत्युपछि अञ्जुले पाइलटको कोर्स गरेर उडान क्षेत्रमा सामेल भएकी थिइन्।
२०६३ असार ७ गते सुर्खेतबाट जुम्लाका लागि उडेको यती एयरलाइन्सको ट्विनटर विमान दुर्घटनामा परेको थियो। सोही दुर्घटना कोपाइलट पोखरेलको निधन भएको थियो।
