दुर्घटनामा दुईको मृत्यु

diyopost.com
दियो पोस्ट  शुक्रबार, चैत्र ०५, २०७२ | १३:०२:०३

बनेपा, ५ चैत । काभ्रेपलाञ्चोकको पाँचखाल नगरपालिका–५ स्थित केराघारीमा आज भएको दुर्घटनामा दुई जनाको घटनास्थलमै मृत्यु भएको छ ।

घटनास्थल पुग्नुभएका जिल्ला प्रहरी कार्यालय धुलिखेलका प्रहरी निरीक्षक दानसिंह मडैले दोलखाबाट काठमाडौँ जाँदै गरेको बा३ख ७९३८ नंको बस तीव्र गतिमा भएका कारण अरनिको राजमार्गबाट झन्डै २५ मि तल खस्दा दुर्घटना भएको जानकारी दिए ।

दुर्घटनामा घाइते भएका २४ जनालाई उद्धारका लागि धुलिखेल अस्पताल ल्याइएको र तीमध्ये पाँच जनाको अवस्था गम्भीर रहेको प्रहरीले जनाएको छ । दुर्घटनाको विस्तृत विवरण अझै आइपुगेको छैन ।

सम्बन्धित खबर