आइजीपीको दौडमा अब ४ जना एआइजी : सिंह, धानुक र पन्त एआइजीमा बढुवा !

काठमाडौं । नेपाल प्रहरीको प्रहरी अतिरिक्त महानिरिक्षक (एआईजी)मा तीन जनाको बढुवा सिफारिस भएको छ ।

डिआइजीहरु धिरज प्रताप सिंह, बसन्त पन्त र रविन्द्र धानुकलाई एआइजीमा बढुवा सिफारिस गरिएको हो ।

गृहमन्त्रालयको बढुवा सिफारिस समितिको बैठकले डिआइजीत्रयलाई एआइजीमा बढुवा गर्ने सिफारिस गरेको हो ।

आगामी प्रहरी महानिरिक्षकका लागि एआईजी विश्वराज पोखरेल र सहकुल थापा मात्रै प्रतिष्पर्धी थिए ।

तर, यो बढुवासँगै ४ जना एआइजीको प्रतिष्पर्धा रहने भएको छ । सिंह र धानुकसँगै बढुवा भएका पन्त भने आईजीपी शैलेश थापासँगै अवकासमा जानेछन् ।