औला नभएपछि नाडीको भरमा परीक्षा

diyopost.com
bestnp  शुक्रबार, चैत्र १९, २०७२ | ५:४१:०९

झापा , १९ चैत । दुवै हात गुमाएका एक विद्यार्थीले झापाको भद्रपुर उच्च माध्यमिक विद्यालय परीक्षा केन्द्रबाट प्रवेशिका परीक्षा (एसएलसी) दिएका छन् ।

एमराल्ड एकेडेमी भद्रपुरमा अध्ययनरत भद्रपुर नगरपालिका–४ निवासी १६ वर्षीय चन्दनकुमार महतोले पहिलो दिन अङ्ग्रेजी विषय र आज दोस्रो दिन नेपाली विषयको परीक्षा दिएका छन् । उनका दुवै हातका औँला छैनन् । उनले दुवै नाडीको सहायतामा अरू विद्यार्थीसरह सजिलै परीक्षा दिएको जिल्ला शिक्षा अधिकारी डिल्लीराम लुइँटेलले बताए ।

परीक्षा समितिले अपाङ्गता भएका विद्यार्थीलाई तोकिएको समयभन्दा डेढ घन्टा बढी समय थप गरेपनि उनले नाडीको सहायताले तीव्रगतिमा लेखेकाले निर्धारित समयमै परीक्षा दिन सफल भएको भद्रपुर उच्च माध्यमिक विद्यालय परीक्षा केन्द्रका केन्द्राध्यक्ष कुलबहादुर गुरुङले बताए ।

परीक्षार्थी महतोको १० वर्षअघि घरको छतमाथि रहेको विद्युत्को नाङ्गो तार छुनेक्रममा करेन्ट लागेर दुवै हात गुमेका थिए ।

सम्बन्धित खबर