जबरजस्ती करणी मुद्दाका फरार व्यक्ति १३ वर्षपछि पक्राउ

दियो पोस्ट  

दाङ ।  दाङमा प्रहरीले जबरजस्ती करणी मुद्दाका फरार एक व्यक्तिलाई करिब १३ वर्षपछि पक्राउ गरेको छ। पक्राउ पर्नेमा शान्तिनगर गाउँपालिका १ बस्ने ३६ वर्षीय देवीलाल भन्ने देव बहादुर डाँगी रहेको जिल्ला प्रहरी कार्यालय दाङले जनाएको छ।

डाँगीलाई दाङ जिल्ला अदालतले २०६६ फागुन १२ गते जबरजस्ती करणी मुद्दा फैसला भई ५ वर्ष कैद सजाय तोकेको भएता पनि हालसम्म फरार रहेका रहेका थिए।

उनलाई खोजतलास गर्दै जाँदा शनिबार शान्तिनगर १ मा लुकिछिपी बसिरहेको अवस्थामा फेला पारी पक्राउ गरिएको जिल्ला प्रहरी कार्यालय दाङका प्रवक्ता एवं डीएसपी राजन कुमार गौतमले जानकारी दिए।

उनलाई आइतबार दाङ जिल्ला अदालत घोराहीमा उपस्थित गराइएको प्रहरीले जनाएको छ।

सम्बन्धित खबर