उच्च अदालतको आदेशको बेवास्ता गर्दै महानगरको टुकुचा उत्खनन् जारी

diyopost.com
दियो पोस्ट  सोमबार, आश्विन ०३, २०७९ | १३:५१:५९

काठमाडौं । काठमाडौं महानगरपालिकाले टुकुचा खोलामा आज पनि उत्खनन जारी राखेको छ । महानगरपालिकाको डोजर सहितको टोलीले सोमवार हात्तीसार–कमलपोखरी क्षेत्रमा पुगेर उत्खनन् जारी राखेको हो । हिजो मात्रै उच्च अदालत पाटनले अल्पकालीन अन्तरिम आदेश जारी गरेको थियो । अदालतको सो आदेशको बेवास्ता गर्दै महानगरले उत्खनन जारी राखेको हो । टुकुचाको भूमिगत सुरूङमाथि निर्माण गरिएको घरहरू नभत्काउन उच्च अदालत पाटनले अल्पकालीन अन्तरिम आदेश जारी गरेको छ ।

उच्च अदालत पाटनले कानुनी रित नपु¥याई र उचित क्षतिपूर्ति नदिई नभत्काउन भनेको थियो । उच्च अदालतले जेनेक्स इन्भेस्टेमन्ट, उत्तरमान लामा र प्रेसिडेन्ट ट्राभल्स एन्ड टुर्सका नाममा रहेको काठमाडौं महानगरपालिका वडा नम्बर ७ स्थित कित्ता नम्बर ७, ३०३८ र ३०३९ को जग्गामाथि बनेका घरहरू कानुनी रित नपु¥याई र उचित क्षतिपूर्ति नदिई नभत्काउन भनेको हो ।

टुकुचा अतिक्रमण गरेको भन्दै सम्भावित क्षेत्र पहिचान गरेर महानगरले केही दिनदेखि हात्तीसार क्षेत्रमा डोजर चलाइरहेको छ । महानगरले यसअघि जय नेपाल हल र कमलादीस्थित लक्ष्मी बैंक नजिक, सिद्धार्थ बैंक र हात्तिसार क्षेत्रमा टुकुचा उत्खनन् गर्दा भेट्टाएको थियो । महानगरले टुकुचाको वैधानिक प्रमाण खोजिरहेको छ ।

सम्बन्धित खबर