अनसनरत डा. केसीको स्वास्थ्य अवस्था नाजुक, जबर्जस्ती काठमाडौं ल्याउने तयारी

diyopost.com
दियो पोस्ट  मंगलबार, आश्विन ०४, २०७९ | १५:३१:३९

काठमाडौं । धनगढीको सेती प्रादेशिक अस्पतालमा नौ दिनदेखि अनसनरत डा. गोविन्द केसीको स्वास्थ्य अवस्था नाजुक हुँदै गएको छ । अस्पताल प्रशासनले उनको जीवन रक्षाकै लागि भए पनि जबर्जस्ती काठमाडौं ल्याउने तयारी गरेको छ ।

अनसनरत डा. केसीले भने आफ्ना माग पूरा नभइ काठमाडौं नजाने अडान लिएका छन् । कैलालीका प्रमुख जिल्ला अधिकारी किरण थापाका अनुसार काठमाडौंबाट जसरी भए पनि डा. केसीलाई पठाउन निर्देशन आइसकेको छ । यही कारण आज उनलाई जबर्जस्ती भए पनि काठमाडौं लगिने उनको भनाइ छ ।

यस्तो छ ड. केसीकोस्वा स्थ्य अवस्था

डा. केसीको उपचारमा संलग्न डा. शेरबहादुर कमरका अनुसार उनको सुगर लेवल घटेर ४० पुगेको छ । यस्तै, प्रेसरको लेभल पनि निकै कम रहेको छ । अर्का डा. सुबेधराज कायस्थले उनको आमाशयबाट पनि रक्तश्राव भइरहेको बताएका छन् ।

सम्बन्धित खबर