…जब दिपक मनाङेले सडकमा बेहोस् युवतीलाई मन्त्रीको गाडीमा राखेर अस्पताल पठाए ! (भिडियोसहित)

diyopost.com
दियो पोस्ट  शनिबार, आश्विन ०२, २०७८ | २०:२१:२०

कास्की । शुक्रबार साँझ करिब ६ बजेर ३० मिनेट जाँदा गण्डकी प्रदेशका युवा तथा खेलकुद मन्त्री दिपक मनाङे उर्फ राजिव गुरुङ पोखरास्थित रंगशाला गेट भित्र प्रवेश गर्दै थिए ।

त्यतिकैमा स्टेडिएम गेट नजिकै होहल्ला भयो । एक अधवैँशे युवती बीच सडकमा बेहास् भएर ढलेको देखेपछि युवाहरु होल्ला गरिरहेका थिए ।

नजिकै रहेका प्रहरी जवानलाई बोलाएर मनाङेले ती महिालबारे सोधखोज गरे । उनलाई तत्काल अस्पताल लानुपर्ने भयो । मनाङे तत्काल आफू चढिरहेको गाडीबाट ओर्लिए र उनकै गाडीमा राखेर ती महिलालाई अस्पताल पुर्याए ।

आफूसँगै रहेका सुरक्षा गार्ड र सहयोगीलाई समेत अस्पताल पठाएर ती महिलाको हेरचाह गर्न मनाङेले खटाएका छन् ।

मनाङेले यसरी सडकमै बेहोस् भएकी महिलालाई आफ्नै गाडीमा राखेर अस्पताल पठाएपछि उनी खेलकुद हेर्न स्टेडिएममा प्रवेश गरेका थिए ।

मनाङबाट स्वतन्त्र सांसद बनेका मनाङेलाई यसअघि गुण्डा नाइकेको रुपमा प्रचार गरिएको थियो । तर, उनले आफू भने समाजसेवी रहेको बताउँदै आएका छन् । स्पष्ट रुपमा आफ्नो धारणा राख्ने मनाङेले दोस्रो कार्यकालमा युवा तथा खेलकुद मन्त्रालय पाएका थिए ।

भिडियोसहित

 

 

 

सम्बन्धित खबर