दुर्गा प्रसाइँको आन्दोलनले राप्रपा विभाजनको संघारमा : राजेन्द्र लिंदेन विरोधी खेमामा ज्ञानेन्द्र शाही

दियो पोस्ट  

काठमाडौं । राजसंस्था सहितको हिन्दुराष्ट्र नेपालको नारासहित क्रियाशिल राष्ट्रिय प्रजातन्त्र पार्टी (राप्रपा) भित्र चरम विवाद उत्पन्न भएको छ । राप्रपाका अध्यक्ष राजेन्द्र लिंदेन र पशुपति शम्शेर जबराबीच विवाद चर्किएको हो । यो विवादको उत्कर्ष केहीदिन अघि राजधानीको बल्खुमा गरिएको जनप्रदर्शनमा समेत देखिएको स्रोतको दाबी छ ।

राप्रपा भित्र पशुपति सम्शेर जबरा निकट मानिने ज्ञानेन्द्र शाही बल्खुमा दुर्गा प्रसाइँद्वारा आयोजित जनसभामा देखिएका थिए । उक्त जनसभामा शाहीलाई पशुपति सम्शेर समुहले खटाएको स्रोतको भनाई छ । यता पार्टी अध्यक्ष राजेन्द्र लिंदेन भने झापामा पृथ्वीनारायण शाहको शालिक अनावरणका लागि पूर्वराजासहित पुगेका थिए । लिंदेनले खुलमखुल्ला दुर्गा प्रसाइँले अर्बौं रुपैयाँ ऋण तिर्न नसकेर आम जनतालाई भड्काउँदै आएको बताएका थिए । यता प्रसाइँले पनि राजेन्द्र लिंदेनको लहैलहैमा लागेर राजसंस्था नफर्कने बताउँदै आएका छन् ।

राष्ट्रिय प्रजातन्त्र पार्टीको प्रवक्ता समेत रहेका ज्ञानेन्द्र शाही बल्खुमा देखिएपछि पार्टी भित्र समेत प्रश्न उठेको छ । राप्रपाका एक नेताका अनुसार प्रसाइँको आन्दोलनमा राप्रपाको कुनै समर्थन छैन । जता भिडभाड उतै बहकिने ज्ञानेन्द्र शाही बल्खुमा जनमतलाई उत्तेजित बनाउनका लागि पुगेको राप्रपाकै नेताहरु बताउँछन् । स्रोतका अनुसार राप्रपा भित्र पशुपति सम्शेर जबराले समानान्तर सत्ता अभ्यास गरिरहेका छन् । उनको पक्षमा बहुत सांसद रहेको सोही पार्टीका नेता बताउँछन् ।

सिफारिस