काठमाडौं, २९ मंसिर । तपाईंले बैंकमा पैसा जम्मा गर्नु भएको छ ? यदि बैंक मध्ये सिटिजन बैंकमा पैसा जम्मा गर्नु भएको छ भने सावधान हुनुपर्ने भएको छ । राजधानीको कमलादीमा केन्द्रीय कार्यालय रहेको सिटिजन बैंकले सर्वसाधरणले जम्मा गरेको रकमलाई दुरुपयोग गरेको पाइएको छ ।
सिटिजन बैंकले अनाधिकृत रुपमा कर्जा प्रवाह गरी सर्वसाधरणको निक्षेप जोखिममा पारेको भन्दै राष्ट्र बैंकले कारबाही गरेको पाइएको छ । राष्ट्र बैंकले सिटिजन बैंकलाई १० करोड रुपैयाँ जोखिममा राख्न लगाउनु मात्रै होइन २० लाख रुपैयाँ नगद जरिवाना गरेको समेत पाइएको छ ।
राष्ट्र बैंकको सुपरिवेक्षण विभागका अनुसार सिटिजन बैंकले तोकिएको परियोजना भन्दा पनि एक ठगी आरोपमा पक्राउ परेका व्यक्तिलाई व्यक्तिगत खर्च गर्न रकम दिएको पाइएको छ ।
बेलायती नागरिक वेबसर्फर नेपाल कम्युनिकेसन सिस्टम प्रालिका सञ्चालकद्वय सुमन क्षेत्री र सुरेन्द्र क्षेत्रीले २०७२ फागुन ३० ९सन् २०१६ मार्च १३० गते फर्जी व्यक्ति खडा गरी एकै दिन २२ ओटा बियरर चेकमार्फत् करिब १० करोड रुपैयाँ कर्जा अनधिकृत रुपमा निकाली सम्झौताविपरीत व्यक्तिगत प्रयोजनमा खर्च गरेको पाइएको थियो । सोही अभियोगमा बैंकलाई कारबाही गरेको छ ।
क्षेत्री दाजु भाईले एक बेलायती नागरिकलाई ३२ करोड ठगी गरेपछि प्रहरीले वेभसर्फरका सञ्चालक सुरेन्द्र क्षेत्रीलाई पक्राउ गरेको थियो ।
सिटिजन बैंककै दबावमा केही वर्षदेखि यो घटना गुपचुप भएपनि अख्तियार दुरुपयोग अनुसन्धान आयोगको दबावपछि राष्ट्र बैंकले कारबाही गरेको हो ।
हाल सिटिजन बैंकका कार्यकारी निर्देशक सिइओ रहेका राजन सिंह भण्डारी राष्ट्र बैंककै पूर्व कर्मचारी हुन् । भण्डारीले नै राष्ट्र बैंकको उच्च तहसँग सेटिङ मिलाएर गुपचुप गराउन लागेका थिए । तर, अख्तियारले गत अशोज १२ गते राष्ट्र बैंकलाई चिठी लेखेपछि राष्ट्र बैंकले कारबाही अगाडी बढाएको थियो ।
वेभसर्फरकै अर्का सञ्चालक सुमन प्रधानले आफ्नो कम्पनिको नाममा लिएको ऋण क्षेत्री दाजु भाईले घरायसी खर्च गरेको गत वर्ष नै राष्ट्र बैंकमा उजुरी हालेका थिए ।
यो पनि पढ्नुहोस्
