प्रतिकुल मौसमका कारण यति एयरलाइन्सको विमान केहीबेर मकवानपुरमै फन्को मारेर फर्कियो

diyopost.com
दियो पोस्ट  बुधबार, पौष १४, २०७८ | १३:३३:२८

काठमाडौं । बुधबार विहानैदेखि परेको अविरल वर्षाका कारण काठमाडौंबाट हुने उडान प्रभावित बनेको छ । रातिदेखि नै काठमाडौं उपत्यकासहित देशका अधिकांश स्थानमा पानी परिरहेकाले उडान प्रभावित भएको हो ।

एयरलाइन्स कम्पनीहरुले प्रतिकूल मौसम र कम भिजिबिलिटीका कारण उडानहरु प्रभावित भएको सूचना जारी गरिरहेका छन् ।

सिमराबाट काठमाडौंका तर्फ उडेको यती एयरलाइन्सको एक जहाज मकवानपुर क्षेत्रको आकासमा केहीबेर फन्को मारेर त्रिभुवन अन्तर्राष्वििमानस्थलमा अवतरण गरेको छ ।

डोल्पा, लुक्ला, सिमिकोट लगायतका स्थानका सबै उडान रद्ध भएका छन् । विमानस्थल कार्यालयका अनुसार पोखरा र नेपालगन्जको मौसम खराब भएका कारण ती स्थानहरुमा पनि जहाजहरु उड्न सकेका छैनन् । अन्य गन्तव्यको उडान पनि ढिलो भएको छ ।

सम्बन्धित खबर