मोटरसाइकलको ठक्करबाट बृद्धाको मृत्यु

पाल्पा ।  रामपुर नगरपालिका–५ सानीअमराईमा मोटरसाइकलको ठक्करबाट एक बृद्धाको मृत्यु भएको छ। रामपुर–५ बेझाड बजारकी ७० वर्षीया कोपरी दमिनीको गएराति मृत्यु भएको हो।

कालीगण्डकी करिडोर सडकअन्तर्गत सानीअमराईमा रामपुरबाट स्याङ्जाको दामाचौरतर्फ जाँदै गरेको लु६८प ९९९४ नंको मोटरसाइकलले बाटोमा हिँडिरहेको अवस्थामा उनलाई  ठक्कर दिएको हो।

मोटरसाइकलको ठक्करबाट गम्भीर घाइते उनलाई रामपुर अस्पतालमा प्राथमिक उपचारपश्चात थप उपचारका लागि लुम्बिनी मेडिकल कलेज तानसेन सिफारिस गरिएको थियो। मोटरसाइकल चालकलाई प्रहरीले नियन्त्रणमा लिएको छ।