उपत्यकामा २४ घण्टामा ६५८ सवारी चालक कारबाहीमा

काठमाडौँ । काठमाडौँ उपत्यकामा सवारी नियम उल्लङ्घन गर्ने ६५८ जना चालक कारबाहीमा परेका छन् । काठमाडौँ उपत्यका ट्राफिक प्रहरी कार्यालय, रामशाहपथका अनुसार पछिल्लो २४ घण्टाको अवधिमा गरिएको विशेष चेकजाँचका क्रममा उनीहरूलाई कारबाहीको दायरामा ल्याइएको हो।

सडक अनुशासन कायम राख्न र सम्भावित दुर्घटना न्यूनीकरण गर्न उपत्यकाका विभिन्न स्थानमा गरिएको चेकिङका क्रममा विभिन्न कसुरमा संलग्न चालकहरू कारबाहीमा परेका हुन् ।
मादक पदार्थ सेवन ९मापसे० गरेर सवारी चलाउने ४७ जना र तीव्र गतिमा सवारी हाँक्ने ६६ जना चालक पक्राउ परेका छन्।

यसैगरी, सवारीको यान्त्रिक अवस्था ठीक नभएका ३१ जना, रेड लाइट उल्लङ्घन गर्ने २३ जना, सीसीटीभी निगरानीका आधारमा २३ जना, लेन अनुशासन मिच्ने ९ जना, अनावश्यक रूपमा हर्न बजाउने ८ जना र वन(वे उल्लङ्घन गर्ने २ जना चालकलाई पनि कारबाही गरिएको प्रहरीले जनाएको छ ।

अन्य विभिन्न सामान्य नियम उल्लङ्घन गर्ने ४४९ जना चालकलाई समेत कारबाहीको दायरामा ल्याइएको छ।