काठमाडौं । नेपाली कम्युनिष्ट पार्टी (नेकपा)का उम्मेदवारहरूले विभिन्न सात निर्वाचन क्षेत्रमा जित हासिल गरेका छन्। पछिल्लो मतपरिणाम अनुसार नेकपाले रोल्पा, सल्यान, सिन्धुपाल्चोक, रुकुम पश्चिम, कालिकोट, रुकुम पूर्व र डोल्पा गरी सात स्थानमा विजय हासिल गरेको हो।
रोल्पा-१ बाट वर्षमान पुन विजयी भएका छन्। त्यस्तै सल्यान-१ बाट रमेश कुमार मल्ल निर्वाचित भएका छन्। सिन्धुपाल्चोक-२ बाट युवराज दुलालले जित हात पारेका छन्।
रुकुम पश्चिम-१ मा गोपाल शर्मा विजयी भएका छन् भने कालिकोट-१ बाट महेन्द्र बहादुर शाहीले निर्वाचन जितेका छन्। त्यस्तै रुकुम पूर्व-१ बाट नेकपाका अध्यक्ष पुष्पकमल दाहाल ‘प्रचण्ड’ विजयी भएका छन्।
यसैगरी डोल्पा-१ बाट धन बहादुर बुढा निर्वाचित भएका छन्।
यी परिणामसँगै नेकपाले मध्य तथा कर्णाली क्षेत्रका महत्वपूर्ण जिल्लाहरूमा आफ्नो प्रभाव कायम राखेको देखिएको छ। अन्य क्षेत्रमा मतगणना जारी रहेको निर्वाचन आयोगले जनाएको छ ।
