पत्नी राधिका शाक्यको साथमा स्विजरल्यान्ड जाँदै प्रधानमन्त्री ओली

पत्नी राधिका शाक्यको साथमा स्विजरल्यान्ड जाँदै प्रधानमन्त्री ओली

स्विजरल्यान्डको डाबोसमा हुन गइरहेको वर्ल्ड इकोनोमिक फोरममा सहभागी हुनका लागि आज प्रधानमन्त्री केपी शर्मा ओली स्विजरल्यान्ड जादैँछन् ।

जनवरी २२–२५ सम्म हुने सम्मेलनमा सहभागिताका लागि ओली आज स्विजरल्यान्डतर्फ जान लागेको प्रधानमन्त्री ओलीको सचिवालयले बताएको छ ।

स्विजरल्यान्ड जाने टोलीमा प्रधानमन्त्रीपत्नी राधिका शाक्य, परराष्ट्रमन्त्री प्रदीपकुमार ज्ञवाली, प्रधानमन्त्री प्रमुख सल्लाहकार विष्णु रिमाल, परराष्ट्र मामिला सल्लाहकार डा। राजन भट्टराई, परराष्ट्र सचिव शंकरदास वैरागीलगायत १९ सदस्य सहभागी रहेको बताइएको छ ।

उक्त फोरमको सम्मेलनमा नेपालका तर्फबाट पहिलोपटक प्रधानमन्त्री ओली सहभागी हुन लागेका हुन् ।आलीले सम्मेलनमा ३ वटा वेग्ला वेग्लै फोरममा सम्बोधन गर्ने भएको छ । सम्मेलनबाट विदेशी लगानी भित्र्याउन सहयोग पुग्ने विश्वासका साथ आली स्विजरल्यान्डतर्फ लागेका हुन् ।

सम्मेलन सक्किए लगतै माघ १२ मा स्वदेश फर्कने बताइएको छ ।

Facebook Comments

Trending News