मङ्गलबारे,माघ १७ । देउमाई नगरपालिका–४ तल्लो बुधबारेका तीन समाजसेवीले उद्योग वाणिज्य सङ्घ शाखा मङ्गलबारेलाई रु ४० लाख बराबरको जग्गा दान गरेको छ ।
लीलाबहादुर श्रेष्ठ, भीमबहादुर श्रेष्ठ र लक्ष्मी श्रेष्ठले सङ्घको भवन निर्माणका लागि एक रोपनी दुई आना जग्गा दान गरेको हो । श्रेष्ठ परिवारले दान दिएको जग्गा उद्योग वाणिज्य सङ्घ शाखा मङ्गलबारेको नाममा नामसारी गरिएको शाखाका अध्यक्ष तारा थापाले बताईन् । उक्त जग्गामा देउमाई नगरपालिकाको सहयोगमा तत्काल भवन निर्माण थालिनेछ । (रासस)
