गाईको दुध बच्चाको लागि हानिकारक, कसले खाने कसले नखाने ?

गाईको दुध बच्चाको लागि हानिकारक, कसले खाने कसले नखाने ?

काठमाडौँ, माघ २३ । नेपाली परम्पराअनुसार गाईको दूध अमृतसमान मानिन्छ । गाईको शुद्ध दूधबाट क्यान्सरजस्ता भयानक रोगसमेत निको हुने वैज्ञानिक तथ्य छ । गाईको दूध मात्र नभएर दही, घिउ, पिसाब र गोबरसमेत उपयोग गरिन्छ । हिन्दू धार्मिक मान्यताअनुसार गाईको पिसाबलाई गहुँत भनिन्छ, जुन मर्दापर्दा काम लाग्छ ।

गाईको दुधमा न्यून मात्रामा चिल्लो हुन्छ । त्यसैले यो पातलो र कम फिँजयुक्त हुन्छ । गाईको दूधमा ९० प्रतिशतसम्म पानी हुन्छ । जसले शरीरमा आवश्यक पानीको मात्रा पूरा गर्न सहयोग गर्छ । तर, गाईको दुध नवजात शिशुका लागि भने हानिकारक रहेको वैज्ञानिकहरु बताउँछन् । बर्षदिन नपुगेको बच्चालाई फाइदाभन्दा बढी नोक्सान गर्ने उनिहरुको तर्क छ । आमाको दूध नआएमा शिशुलाई गाईको दूध खुवाउने गरिन्छ । ठोस खानेकुरा खान नसक्ने बच्चाको लागि गाईको दूध विकल्पको रुपमा प्रयोग गरिन्छ ।

गाईको दुधमा आमाको दूधमा जस्तो आइरन हुँदैन । तसर्थ, एक बर्षभन्दा कम उमेरका बच्चालाई गाईको दुधको मात्र भर परेमा आवश्यक पोषक तत्वको कमी हुन्छ । त्यसैले आमाको दूध खान नपाउने अवस्था आएमा बच्चालाई गाईको दुधसँगै आइरनयुक्त अन्य खानेकुरासमेत खुवाउँदा केही राम्रो हुन्छ ।

गाईको दुधले नवजात शिशुको श्वासप्रश्वास प्रक्रियामा असर पुर्याउँछ । साथै, पाचन प्रक्रियामा समेत असर पुर्याउन सक्छ । आमाको दुधमा पाइने जति पौष्टिक तत्व गाईको दुधमा नहुने भएकाले बच्चा कमजोर हुन्छ । त्यस्तै, रोग प्रतिरोधात्मक क्षमतामा समेत कमी आउँछ । यसका साथै गाईको दूध पिउने साना बच्चामा एनिमिया (रक्तअल्पता) र एलर्जीको खतरासमेत हुन्छ । नयाँ पत्रिकाबाट

० Comments




Trending News