शब्दभन्दा पर, बाधारहित सञ्चार : रमाडा इटहरीमा समावेशिताको उत्सव
इटहरी । अन्तर्राष्ट्रिय सांकेतिक भाषा दिवस (२३ सेप्टेम्बर २०२६) को अवसरमा रमाडा बाइ विन्धाम इटहरीले सञ्चारको शक्तिको उत्सव मनाएको छ । बुधबार आफ्ना विभिन्न विभागका कर्मचारीलाई एकै ठाउँमा भेला गराई समावेशिता, करुणा र बोलिने शब्दभन्दा पर रहेको सञ्चारको शक्तिको उत्सव मनाएको हो ।
कार्यक्रममा होटलका एफ एन्ड बी क्याप्टेन संगीत सापकोटाको सहभागिता मुख्य आकर्षण बनेको थियो । उनले सञ्चार बोलिएका शब्दमा मात्र सीमित नहुने र संकेत, बुझाइ, समर्पण तथा मानवीय सम्बन्धबाट पनि प्रभावकारी सञ्चार सम्भव हुने सन्देश दिएका थिए।
कार्यक्रममा संगीतसँगै किचेन स्टेवार्डिङका राकेश गुरुङ, जीवन ढकाल र युनिश भट्टराई तथा हाउसकिपिङ अटेन्डेन्ट उज्ज्वल सहभागी भएका थिए। विभिन्न विभागका कर्मचारीको सहभागिताले होटलमा टिमवर्क र सहकार्यको महत्त्वलाई उजागर गरेको थियो।
भान्सा, हाउसकिपिङ र फुड एन्ड बेभरेजलगायत विभागका कर्मचारीहरू आफ्नो नियमित जिम्मेवारीभन्दा माथि उठेर एकै ठाउँमा भेला भएका थिए। कार्यक्रममा हरेक व्यक्तिको भूमिका र योगदानलाई सम्मान गर्दै समावेशी कार्यस्थल निर्माणमा जोड दिइएको थियो।
संगीतका लागि सञ्चार बोल्ने शब्दमा मात्र सीमित छैन। दैनिक काममा दिइने ध्यान, सहकर्मी र पाहुनाप्रतिको आत्मीय व्यवहार तथा संकेतमार्फत गरिने संवादले पनि हस्पिटालिटीको भावनालाई बलियो बनाउने उनको अनुभव छ।
कार्यक्रमले हस्पिटालिटी क्षेत्रमा विविधता, सहकार्य र एकअर्कालाई बुझ्ने क्षमतामै टिमको शक्ति निहित हुने सन्देश दिएको होटलले जनाएको छ। होटलका अनुसार हस्पिटालिटी भनेको के भनिन्छ भन्ने कुराले मात्र नभई मानिसलाई कसरी बुझिन्छ, कसरी हेरचाह गरिन्छ र कस्तो अनुभूति गराइन्छ भन्ने कुराले पनि परिभाषित हुन्छ।
रमाडा बाइ विन्धाम इटहरीले हरेक आवाजको महत्त्व हुने र अपनत्वको भावनामा कुनै अवरोध नहुने कार्यस्थल निर्माणप्रतिको प्रतिबद्धता दोहोर्याएको जनाएको छ।
रमाडा बाइ विन्धाम इटहरी इटहरी–९ स्थित पूर्वी नेपालको अन्तर्राष्ट्रिय ब्रान्डेड होटल हो। होटलका अनुसार यहाँ आवास, खानपान, बैठक तथा कार्यक्रमका साथै विभिन्न हस्पिटालिटी सेवा उपलब्ध छन्।
