सशस्त्र प्रहरी अतिरिक्त महानिरीक्षक वंशीराज दाहाल सेवाबाट बर्खास्त
काठमाडौँ । गृह मन्त्रालयले सशस्त्र प्रहरी अतिरिक्त महानिरीक्षक (एआईजी) वंशीराज दाहाललाई सेवाबाट बर्खास्त गरेको छ।
मन्त्रालयका अनुसार एआईजी दाहालले आचरणसम्बन्धी नियमहरूको बारम्बार उल्लंघन गरेको, अनुशासनहीन गतिविधिहरूमा संलग्न भएको तथा नेपाल सरकार र आफू कार्यरत संगठनको मान, प्रतिष्ठा एवं छविमा आँच पुर्याउने किसिमका कार्यहरू गरेकाले उनलाई सेवाबाट बर्खास्त गर्ने निर्णय गरिएको हो।
उक्त कसुर तथा विभागीय कारबाहीस्वरूप उनलाई आगामी मिति २०८३ साल ६ महिना २३ गतेबाट लागू हुने गरी सशस्त्र प्रहरी सेवाबाट हटाइएको छ। यो व्यवस्था र जानकारी सम्बन्धित सबैको जानकारीका लागि जारी गरिएको छ।
