तस्बिर स्रोतः फोटो लाइबेरी
काठमाडौं । नयाँ बानेश्वरस्थित संसद भवन परिसरमा प्रवेश गरेको आरोपमा पक्राउ परेका लघुवित्त ऋणीहरु रिहा भएका छन् ।
जिल्ला प्रशासन कार्यालय, काठमाडौंले हाजिर जमानीमा छाडेको जिल्ला प्रहरी परिसर, काठमाडौंकाले जानकारी दिएको छ । देशका विभिन्न स्थानबाट काठमाडौं आएका लघुवित्त ऋणीहरु १४ फागुनमा संसद भवन परिसरमा प्रवेश गरेर नाराबाजी गरेका थिए ।
प्रहरीले ४८ महिला र एक पुरुष गरि ४९ जनालाई पक्राउ गरेको थियो भने स्थानीय प्रशासनले शान्ति सुरक्षामा खलल पुर्याएको अभियोगमा अनुसन्धानका लागि ७ दिन थुनामा राख्न अनुमति दिएको थियो ।
