काठमाडौँ,फागुन २१ । रानीपोखरी कर्नर टिम ((आरसीटी) ले सहिद स्मारक ’बी’ डिभिजन लिगको उपाधि जितेको छ ।
आज भएको सुपर लिगको अन्तिम खेलमा श्री भगवती क्लबलाई १–० ले हराउदै आरसीटीले उपाधी जितेको हो ।
ललितपुरको सातदोबाटोमा रहेको एन्फा कम्प्लेक्समा आरसीटीलाई जिताउन लोकेन्द्र बहादुर कार्कीले निर्णायक गोल गरेका हुन् ।
उपाधिसंगै आरसीटीले ८ लाख रुपैयाँ र उपविजेता श्री भगवतीले ५ लाख रुपैयाँ पाएका छन् ।
