स्थानीय तह निर्वाचन २०७९ : ७१ हजार २३७ जनाले दिए उम्मेदवारी, कुन तहमा कति ? (सुचिसहित)

diyopost.com
दियो पोस्ट  सोमबार, बैशाख १२, २०७९ | २३:४७:५५

काठमडौं । वैशाख ३० गते हुने स्थानीय तह निर्वाचनको लागि ७१ हजार बढीले उम्मेदवारी दिएका छन्। निर्वाचन आयोगका अनुसार सोमबार राति साढे ७ बजेसम्म ७१ हजार २३७ जनाले उम्मेदवारी दिएका छन्।

प्रमुखमा २११८, अध्यक्षमा २२२१, उपप्रमुखमा१३१८, उपाध्यक्षमा १५४४, वडाध्यक्षमा १७७०१, महिला सदस्यमा ११६५५, दलित महिला सदस्यमा १०३७१ र सदस्यमा २४३०९ जनाले उम्मेदवारी दिएका हुन्।

१ नम्बर प्रदेशमा १२९९५, मधेश प्रदेशमा १६७४१, बागमती प्रदेश ११४०२, गण्डकी ५६१२, लुम्बिनी प्रदेशमा १३०९५, कर्णाली प्रदेशमा ५५४५ र सूदुरपश्चिम प्रदेशमा ५८४७ जनाले उम्मेदवारी दिएका हुन्।

आयोगले उम्मेदवारी दिन दुई दिनको समय तोकेको थियो। आइतबार र सोमबार बिहान १० बजेदेखि साँझ ५ बजेसम्मको उम्मेदवारी दिन समय तोकेको थियो।

तर सोमबार राति भइसक्दा पनि उम्मेदवारी दिन सकेको छैन। जसले गर्दा आयोगको निर्वाचन तालिकामा समेत असर पर्ने देखिएको छ।

आयोगले आजै मनोनयन पत्र दर्ता भएकाको नामावली सूची सार्वजनिक गर्ने तयारी गरेको थियो। वैशाख १३ गते बिहान १० बजेदेखि अपरान्ह ५ बजेसम्म उम्मेदवारको विरोधमा उजुरी दिने समय तोकिएको छ।

वैशाख १४ गतेदेखि १५ गते ५ बजेसम्म मनोनयन पत्र जाँच गर्ने र उजुरी उपर जाँचबुझ गरी निर्णय गरिनेछ। १५ गते अपरान्ह ५ बजेदेखि ६ बजेसम्ममा मनोनयन भएका उम्मेदवारको नामावली प्रकाशन गर्नेछ ।

सम्बन्धित खबर