काठमाडौँ । शिक्षक महासङ्घले नेपाल कम्युनिस्ट पार्टी (माओवादी केन्द्र) को केन्द्रीय कार्यालय, पेरिसडाँडामा धर्ना दिएका छन्। विद्यालय शिक्षा ऐन जारी गर्न दबाब दिने उदेश्यले शुक्रबार बिहानदेखि पार्टी कार्यलयमा धर्ना दिएका हुन् ।
शिक्षकहरुले बिहान ११ बजेबाट दिउँसो १ बजेसम्म २ घण्टा धर्ना दिएका थिए । उनीहरुले माओवादी केन्द्रका नेताहरूलाई ध्यानाकर्षण पत्रसमेत बुझाएका छन्।
महासङ्घले अन्य राजनीतिक दलका कार्यालयहरूमा चरणबद्ध धर्ना दिने बताएको छ ।
