स्वस्थ रहन दैनिक जीवनमा अपनाउनुहोस् यी सरल बानी

काठमाडौँ । आज भोलि हाम्रो जीवन शैलि एकदमै व्यवस्थ बन्दै गएको छ । व्यवस्थ जीवन शैलिले गर्दा धेरै मानिसले आफ्नो स्वास्थ्यलाई ध्यान दिएका हुँदैनन् । तर स्वास्थ्यलाई नै हामीले धेरै ध्यान दिन वा ख्याल राख्नुपर्ने हुन्छ । किनभने स्वास्थ शरीर बिना हाम्रो जिवन सफल हुन सक्दैन । हाम्रो दैनिक जीवनमा कामको चाप, अनियमित खानपान, तनाव र पर्याप्त आरामको कमीले स्वास्थ्यमा असर पार्न सक्छ। तर दैनिक जीवनमा केही सामान्य बानी परिवर्तन गरेमा शरीर र मन दुवैलाई स्वस्थ राख्न सकिन्छ।

स्वस्थ रहन सबैभन्दा महत्वपूर्ण कुरा सन्तुलित आहार हो । दैनिक खाने खानामा शरीरलाई आवश्यक पर्ने प्रोटिन, भिटामिन, खनिज तथा अन्य पोषक तत्व पर्याप्त मात्रामा समावेश हुनुपर्छ। त्यसका लागि हरियो सागसब्जी, फलफूल, दाल, गेडागुडी, नट्स तथा प्रोटिनयुक्त खानेकुरा नियमित खानु आवश्यक हुन्छ।

धेरै चिल्लो, तारेको तथा जंक फुड खाने बानीले तौल बढ्नुका साथै विभिन्न स्वास्थ्य समस्या निम्त्याउन सक्छ। त्यसैले सकेसम्म ताजा र घरमै तयार गरिएको खाना खानु राम्रो हुन्छ। शरीरलाई स्वस्थ राख्न पर्याप्त पानी पिउनु पनि आवश्यक छ।
स्वास्थ रहन दैनिक जीवनमा अपनाउन सकिने यी साधारण बानी

दैनिक व्यायाम आवश्यक

स्वस्थ शरीरका लागि नियमित शारीरिक गतिविधि पनि आवश्यक हुन्छ। यसका लागि हामीले धेरै समय दिनु पदैन दैनिक केही समय हिँड्ने, साइकल चलाउने, योग गर्ने वा घरायसी काममा सक्रिय रहने बानीले शरीरलाई तन्दुरुस्त राख्न सहयोग गर्छ।

भारी व्यायाम गर्नैपर्छ भन्ने छैन। दैनिक करिब ३० मिनेट हिँडडुल गर्नाले पनि शरीरलाई सक्रिय राख्न सकिन्छ। सम्भव भएसम्म लिफ्टको सट्टा सिँढी प्रयोग गर्ने तथा कामको बीचमा केही समय हिँडडुल गर्ने बानीले पनि शारीरिक गतिविधि बढाउन सहयोग गर्छ।

तनाव कम गर्न ध्यान दिनुपर्छ

लामो समयसम्म तनावमा रहँदा मानसिक स्वास्थ्यसँगै शारीरिक स्वास्थ्यमा समेत असर पर्न सक्छ। तनावका कारण उच्च रक्तचाप, मुटुसम्बन्धी समस्या तथा पाचन प्रणालीमा समस्या देखिन सक्छ।

त्यसैले तनाव कम गर्न योग, ध्यान तथा गहिरो श्वासप्रश्वासको अभ्यास गर्न सकिन्छ। काम र व्यक्तिगत जीवनबीच सन्तुलन कायम गर्नुका साथै समय–समयमा आराम गर्ने, परिवार तथा साथीभाइसँग समय बिताउने बानीले पनि तनाव कम गर्न सहयोग गर्छ।

पर्याप्त निद्रा लिनुहोस्

स्वस्थ जीवनका लागि पर्याप्त र गुणस्तरीय निद्रा पनि उत्तिकै आवश्यक हुन्छ। निद्राका क्रममा शरीरले आराम पाउनुका साथै आफूलाई पुनः सक्रिय बनाउने प्रक्रिया पूरा गर्छ।

वयस्क व्यक्तिले सामान्यतया रातमा ७ देखि ९ घण्टासम्म निद्रा लिनु उपयोगी मानिन्छ। पर्याप्त निद्रा नपाउँदा दिनभर थकान हुने, चिडचिडापन बढ्ने र काममा ध्यान केन्द्रित गर्न कठिनाइ हुन सक्छ।

राम्रो निद्राका लागि नियमित समयमा सुत्ने र उठ्ने बानी बसाल्नुपर्छ। सुत्नुअघि मोबाइल, ल्यापटप तथा अन्य डिजिटल उपकरणको प्रयोग कम गर्नु पनि उपयोगी हुन्छ।

धूम्रपान र मदिराबाट टाढा रहनुहोस्

स्वस्थ जीवनका लागि धूम्रपान र अत्यधिक मदिरा सेवनबाट टाढा रहन आवश्यक छ। यस्ता बानीले मुटुसम्बन्धी रोग, क्यान्सरलगायत विभिन्न गम्भीर स्वास्थ्य समस्याको जोखिम बढाउन सक्छ।

त्यसैगरी, समय–समयमा स्वास्थ्य परीक्षण गराउनु पनि आवश्यक हुन्छ। नियमित स्वास्थ्य परीक्षणबाट शरीरको अवस्थाबारे जानकारी लिन तथा सम्भावित स्वास्थ्य समस्या समयमै पहिचान गर्न सहयोग पुग्छ।

खुसी र सकारात्मक रहनु पनि आवश्यक

शारीरिक स्वास्थ्यसँगै मानसिक रूपमा खुसी र सकारात्मक रहनु पनि स्वस्थ जीवनका लागि महत्वपूर्ण हुन्छ। आफ्नो रुचिका गतिविधिमा सहभागी हुने, गीत सुन्ने, पुस्तक पढ्ने, साथीभाइ तथा परिवारसँग समय बिताउने वा खेलकुदमा सहभागी हुनेजस्ता गतिविधिले तनाव कम गर्न सहयोग गर्छ।

स्वस्थ रहनका लागि ठूलो परिवर्तन गर्नैपर्छ भन्ने छैन। सन्तुलित खाना खाने, नियमित व्यायाम गर्ने, पर्याप्त निद्रा लिने, तनाव कम गर्ने, धूम्रपान तथा अत्यधिक मदिराबाट टाढा रहने र समय–समयमा स्वास्थ्य परीक्षण गराउने जस्ता सामान्य बानीलाई दैनिक जीवनमा निरन्तरता दिन सकेमा स्वस्थ जीवन बिताउन सहयोग पुग्न सक्छ।
थय जभचलग तब