काठमाडौँ । मधेश प्रदेशको मुख्यमन्त्रीमा लोकतान्त्रिक समाजवादी पार्टी (लोसपा) का नेता जितेन्द्र सोनल नियुक्त भएका छन् । संविधानको धारा १६८ को उपधारा २ बमोजिम उनलाई मुख्यमन्त्रीमा नियुक्त गरिएको हो ।
मुख्यमन्त्री सोनलले ६ दलको समर्थनमा ५७ जना प्रदेश सांसदको हस्ताक्षरसहित प्रदेश प्रमुख कार्यालयमा मुख्यमन्त्री नियुक्तिको लागि दाबी पेश गरेका थिए ।
प्रदेश प्रमुख सुमित्रा सुवेदी भण्डारीले बुधबार उनलाई मुख्यमन्त्रीमा नियुक्त गरेकी थिइन् ।
