Wrecked motorcycles lie at the the scene of a multi-motorcycle and trash truck accident on the Carefree Highway Thursday, March 25, 2010 in Phoenix, Ariz. Three people riding motorcycles were killed Thursday afternoon and six others critically injured when several bikes were struck by a truck hauling garbage on the Carefree Highway in north Phoenix. (AP Photo/Matt York)
काठमाडौँ । सिन्धुलीको दुधौली नगरपालिका-४ लक्ष्मीपुरमा बुधबार दिउँसो भएको सडक दुर्घटनामा दुई जनाको मृत्यु भएको छ । दुर्घटनामा चार जना घाइते भएका छन्।
मदन भण्डारी राजमार्गमा भिमानबाट दुधौलीतर्फ गइरहेको नाप्र-१-०२-००२ ख ४११ नम्बरको मालबाहक ट्रक र विपरीत दिशाबाट आइरहेका नाप्र-२-०१-प २१४२ र मप्र-०२-००६ प ५८४१ नम्बरका दुई वटा मोटरसाइकल एकापसमा ठोक्किँदा दुर्घटना भएको इलाका प्रहरी कार्यालय डकाहाकी प्रमुख प्रहरी निरीक्षक सपना खड्काले जानकारी दिइन्।
दुर्घटनामा दुधौली नगरपालिका-११ टाडीका ३४ वर्षीय रामकुमार कुमर र २५ वर्षीय फुलबाबु धामीको मृत्यु भएको हो। उनीहरूलाई दुधौली नगर अस्पताल सिर्थौलीमा चिकित्सकले मृत घोषणा गरेको प्रहरीले जनाएको छ।
त्यसैगरी, दुर्घटनामा दुधौली-३ का २६ वर्षीय विप्लव धामी, २७ वर्षीय बुद्धि थारू, २५ वर्षीय सुनिल माझी, र ३२ वर्षीय कुशे धामी घाइते भएका छन्। अस्पताल स्रोतका अनुसार विप्लव, बुद्धि र कुशेको अवस्था गम्भीर छ।
धनकुटा जिल्ला छथर जोरपाटी गाउँपालिका-६ का २५ वर्षीय शेरबहादुर विष्टले चलाएको ट्रकले मोटरसाइकललाई ठक्कर दिँदा घटनास्थल नजिकै आगलागी समेत भएको प्रहरीले जनाएको छ। मप्र-०२-००६ प ५८४१ नम्बरको मोटरसाइकलमा आगो लागि पूर्णरूपमा क्षतिग्रस्त भएको बताइएको छ।
दुर्घटनापछि ट्रक र चालकलाई प्रहरीले नियन्त्रणमा लिएको छ भने घटनाको विस्तृत अनुसन्धान भइरहेको जिल्ला प्रहरी कार्यालय सिन्धुलीले जनाएको छ।
