सिरहा, पुष ८ । सिराहाको गोलबजार नगरपालिका ४ स्थित नेपाल टेलिकमको रिपिटर टावर नजिकै भेटिएको शक्तिशाली प्रेसरकुकर बम भेटिएको छ । बम भेटिएको खबर पाउनासाथ नेपाली सेनाको टोली उक्त स्थानमा पुगी डिस्पोज गरेको छ । बिहानै हिँडडुल गर्ने ब्यक्तिले शंकास्पद बस्तु देखेपछि प्रहरीलाई खबर गरेको थियो ।
प्रहरीलाई जानकारी आउने बितेकै सम्भावित घटना हुन नदिनका लागि सशस्त्र र नेपाल प्रहरीले घेरा हालेका थिए नेपाली सेनाको टोलीले ११ बजे बम डिस्पोज गरेको छ।
बम भेटिएको ठाउँ नजिकै स्वतन्त्र तराई निर्माण सेनाु को पर्चा भेटिएको छ। मिति, छाप र आधिकारिक हस्ताक्षर समेत नरहेको पर्चामा औपनिवेशिक शासन विरुद्धको तराई मुक्ति आन्दोलनले एक दशक पूरा गरेको र अबका दिनमा संघर्षलाई निरन्तराता दिन सहयोगको अपेक्षा गरिएको उल्लेख छ।
