Compressed by jpeg-recompress
काठमाडौँ । आगामी फागुन २१ हुने प्रतिनिधि सभा सदस्य निर्वाचनका लागि हिमालपारीको जिल्ला मनाङ क्षेत्र नं. १ मा नेकपा (एमाले) र राष्ट्रिय प्रजातन्त्र पार्टी (राप्रपा) का उम्मेदवारहरुले आफ्नो उम्मेदवारी फिर्ता लिएका छन्।
मुख्य निर्वाचन अधिकृत रामप्रसाद पौडेलका अनुसार, नेकपा (एमाले) का उम्मेदवार पोल्देन छोपाङ गुरुङ र राप्रपा का उम्मेदवार कुविरसिंह गुरुङले उम्मेदवारी फिर्ता लिन निर्वाचन कार्यालयमा निवेदन पेश गरेका छन्।
उम्मेदवारी फिर्ता लिन तोकिएको समय दिउँसो १ बजेसम्म रहेको निर्वाचन तालिकाअनुसार, दुवै उम्मेदवारले सो समय भित्र निवेदन दिएको बताइएको छ। तर, औपचारिक निर्णय दिउँसो १ बजेपश्चात घोषणा गरिने बताइएको छ।
मनाङमा प्रारम्भमा ५ जना उम्मेदवारले मनोनयन दर्ता गरेका थिए भने, दुवै उम्मेदवारले नाम फिर्ता लिँदा अब कांग्रेस, एमाले बाहेक अन्य दलका उम्मेदवारबीच प्रतिस्पर्धा हुने देखिएको छ।
विशेषगरी, यस कदमले नेपाली कांग्रेसका उम्मेदवारलाई चुनाव जित्ने सम्भावना सहज हुने अनुमान गरिएको छ।
