काठमाडौं । नेपाल मामिलाका जानकार मानिने भारतीय प्राध्यापक एसडी मुनीले नेपालको राष्ट्रपतिका लागि सम्भावित ४ जनाको नाम सुझाएका छन्। नेपालमा भावी राष्ट्रपतिका विषयमा लिएर राजनीतिक सक्रियता बढिरहेका बेला उनले ट्विटरमार्फत् उपयुक्त पात्र भन्दै ४ जनाको नाम लिएका छन् ।
सहमतिबाट राष्ट्रपति चयन गर्ने कुरा जायज रहेको बताउँदै उनले निर्दलीय व्यक्तित्व राष्ट्रपतिका लागि उपयुक्त हुने पनि उल्लेख गरेका छन्।
उनले राजनीतिक संवेदनशीलतालाई लिएर देवेन्द्र राज पाण्डे, लोकराज बराल, दमननाथ ढुंगाना र अनुराधा कोइराला उपयुक्त हुने ट्विटरमा उल्लेख गरेका छन्।
