उत्पादन बढाउन गहुँतको प्रयोग

म्याग्दी, २० चैत । अर्मन गाविसका किसानले गहुँतको प्रयोग गर्न थालेपछि रोगकिराको प्रकोप नियन्त्रण हुनाका साथै कृषि उत्पादनमा पनि वृद्धि भएको छ ।
अर्मन र बगरफाँट गाउँका किसानले जैविक विषादीका रुपमा गहुँतको प्रयाग गर्न भकारो सुधार गरेर मूत्र सङ्कलन गर्ने गरेका छन् । सुधारिएको भकारोबाट सङ्कलित पशुको गहुँत तरकारी र खाद्यबालीमा लाग्ने रोगकिरा नियन्त्रण गर्न वरदान साबित भएको किसान तिलकुमारी आचार्यले बताइन । सो गाउँका ५० जनाभन्दा बढी किसानले व्यावसायिक तरकारी खेती गरेका छन् ।