काठमाडौं । जिल्ला प्रशासन कार्यालय काठमाडौंले दरबारमार्ग क्षेत्रमा निषेधाज्ञा जारी गरेको छ । राजावादीहरुले भोलि शनिबार दरबारमार्गमा प्रदर्शन गर्ने भनेपछि प्रशासनले भोलिदेखि नै लागु हुनेगरी त्यस क्षेत्रमा निषेधाज्ञा जारी गरेको हो ।
प्रमुख जिल्ला अधिकारी ऋषिराम तिवारीले जारी गरेको सूचनामा जेठ १७ गतेदेखि लागु हुने गरि असार २४ गतेसम्मका लागि सो क्षेत्रमा निषेधाज्ञा जारी गरेको बताइएको छ ।
सुचनामा दरवारमार्ग, केशरमहल, जयनेपाल हल क्षेत्रमा ५ जनाभन्दा बढी जम्मा हुन र नारा जुलुस धर्ना लगायतका कार्यक्रम गर्न निषेध गरिएको उल्लेख छ ।
