काठमाडौं, ५ साउन । नेत्र विक्रम चन्द विप्लव नेतृत्वको नेपाल कम्युनिस्ट पार्टीका उपत्यका ब्युरो ईन्चार्ज माइला लामा पक्राउ परेका छन् ।
महानगरीय प्रहरी अपराध अनुसन्धान महासाखाको विशेष टोलीले शनिबार राती १२ बजेर २० मिनेट जाँदा भक्तपुरको काँडाघारीबाट पक्राउ गरेको हो ।
महासाखाका एसएसपी सहकुल थापाका अनुसार लामा सहित रोसन तामाङ पनि पक्राउ परेका छन् ।
प्रहरीले विभिन्न स्थानमा भएको बम विष्फोटका घटनामा विप्लव नेकृत्वको नेकपाका नेताहरुलाई पक्राउ गर्दै मुद्दा चलाउँदै आएको छ ।
यसअघि ललितपुरको नख्खु स्थित एनसेलको मुख्यालयमा भएको बम विष्फोट माइला लामाकै निर्देशनमा भएको प्रहरी बताउँछ ।
