राजविराज । सप्तरीको शम्भुनाथ नगरपालिका-३ ट्राफिक चौकमा २ वर्षीया बालिका आफ्नै घरपछाडिको झाडीमा मृत अवस्थामा फेला परेकी छन् ।
मोहम्मद इरफानकी २ वर्षीया छोरी खुसी खातुन आइतबार बिहानदेखि हराएकी थिइन् । बालिका हराएको जानकारी पाएपछि परिवारजनले प्रहरीलाई खबर गरेका थिए।
प्रहरी र परिवारजनले खोजतलास गर्ने क्रममा खुसी आफ्नै घरको पछाडिपट्टि रहेको झाडीमा मृत अवस्थामा फेला परेकी हुन्।
बालिकाको मृत्युको कारण खुल्न सकेको छैन । घटनाबारे प्रहरीले थप अनुसन्धान अघि बढाएको जनाएको छ । घटनाको विस्तृत विवरण आउन बाँकी छ।
