धादिङ, भदौ ११ । धादिङको गजुरी गाउँपालिका–४ स्थिति गैरीगाउँमा प्रहरीले २ सय ५० रोपनी क्षेत्रफलमा गरिएको गाँजा खेती नष्ट गरेको छ ।
बुधबार जिल्ला प्रहरी कार्यलय धादिङका प्रमुख प्रहरी उपरिक्षक राजकुमार वैदवार सहितको टोलीले निकै ठुलो क्षेत्रफलमा गरिएको गाँजा खेती नष्ट गरेको हो ।
धादिङमा पहिलोपटक त्यति ठुलो क्षेत्रफलमा गरिएको गाँजा खेती नष्ट गरिएको हो । प्रहरी प्रमुख वैदवार आफै नै खुर्पा बोकेर फँडानी गर्न उत्रिएका थिए ।
उनको नेतृत्वमा ४१ जना प्रहरी अधिकारीहरु फडानी गर्नकै लागि परिचालन गरिएको छ ।
