तालिबानको पहिलो पत्रकार सम्मेलनमा प्रवक्ताले भने,‘हामीलाई आफ्नो कानुन लागु गर्ने अधिकार छ’

diyopost.com
दियो पोस्ट  बुधबार, भाद्र ०२, २०७८ | ०:५८:५७

बीबीसी । अफ्गानस्तानमा दोस्रो पटक सत्ता हासिल गर्ने तालिवानले पहिलो पटक पत्रकार सम्मेलन गरेको छ । मंगलबार आयोजित पत्रकार सम्मेलनमा तालिवानका प्रवक्ता जवीहुल्लाह मुजाहिदले भने,‘२० वर्ष संघर्षपश्चात हामीले देशलाई स्वतन्त्र गर्यौँ । विदेशीलाई देशबाट बाहिर निकाल्यौँ ।’


उनले यसलाई पुरै देशको लागि गौरवको पल रहेको बताए ।


‘हामीले भनेका छौँ । अफ्गानस्तान अब संघर्षको मैदान रहेन । हामीले सबैलाई माफी गरिदिएका छौँ । जसले हाम्रो खिलाफ लडाई लडे । अब हाम्रो दुश्मनी खतम भएको छ,’ उनले भने,‘हामी बाहिर वा देश भित्र कोही दुश्मन देख्न चाहाँदैनौँ । अब हामी काबुलमा अराजकता देख्न चाहाँदैनौँ ।’


उनले काबुलका जनताको सुरक्षा गर्नका लागि आफूहरु काबुल प्रवेश गर्नुपरेको बतँए ।


‘हाम्रो योजना काबुलको नाकामा रोकिने थियो । ताकी वार्ता प्रक्रिया सहज रुपमा सुचारु होस् । तर, दूर्भाग्य पछिल्लो सरकार निकै असक्षम थियो । उनीहरुको सुरक्षा बलले जनताको सुरक्षा गर्न सकेनन् । यस्तोमा हामीले नै केही गर्नु थियो,’ मुजाहिदले भने,‘काबुलको मानिसहरुको सुरक्षा गर्नका लागि हामी काबुल घुस्न पर्यो । हामी अन्तर्राष्ट्रिय समुदायलाई आश्वस्त पार्न चाहान्छौँकी कसैलाई पनि नोक्सान हुन दिने छैनौँ ।’
आफूहरुले अन्तर्राष्ट्रिय समुदाय समक्ष कुनै पनि नराम्रो सम्बन्ध नचाहेको उनले बताए ।

आफूहरुलाई धार्मिक मान्यता अनुसार काम गर्ने अधिकार रहेको उनले बताए । ‘अन्य देशमा अलग अलग नियम र कानुन छ । हाम्रो मुल्यका अनुसार आफ्गानस्तानको आफ्नो नियम र कानुन तय गर्ने अधिकार छ,’ उनले भने,‘हामी महिलालाई आफ्नो अधिकार दिन प्रतिबद्ध छौँ । महिला हामीसँग काँधमा काँध मिलाएर काम गर्न गइरहेको छ । हामी अन्तर्राष्ट्रिय समुदायलाई भरोसा दिलाउन चाहान्छौँ की महिलालाई कुनै भेदभाव हुनेछैन ।’

सम्बन्धित खबर