भोटेकोशी बाढीपछि बेपत्ता टिमुरे भन्सारका अधिकृत शर्मा मृत फेला
काठमाडौँ । रसुवाको टिमुरेस्थित भन्सार कार्यालयमा कार्यरत अधिकृत नकुल शर्माको शव गोरखामा फेला परेको छ । भोटेकोशीमा आएको विनाशकारी बाढीपछि सम्पर्कविहीन भएका शर्माको शव त्रिशूली नदीको किनारमा फेला परेको हो ।
जिल्ला प्रहरी कार्यालय गोरखाका डीएसपी राजकुमार श्रेष्ठका अनुसार शर्माको शव गोरखातर्फ पर्ने त्रिशूली नदीको तटीय क्षेत्रमा भेटिएको हो ।
हुम्लाको ताजाकोट गाउँपालिका-२ निवासी शर्मा जागिरको सिलसिलामा रसुवाको टिमुरेमा कार्यरत थिए । बाढीपछि उनी सम्पर्कविहीन भएका थिए । शवको पोस्टमार्टमपछि परिवारले बुझिसकेको प्रहरीले जनाएको छ ।
गोरखातर्फ पर्ने त्रिशूली नदीको तटीय क्षेत्रमा बाढीपछि हालसम्म ६५ जनाको शव फेला परिसकेको प्रहरीले जनाएको छ।
सम्बन्धित खबर
ट्रेन्डिङ
![बाढीले बगाएर ल्याएको सेफ फोडेर पैसा चोरी आरोपित २९ जना को को ? [नामावली]](https://www.diyopost.com/wp-content/uploads/2026/08/paisa-news-300x157.png)
