कृष्णभीरको पहिरो पन्छाउन काम सुरु, दुवैतर्फबाट जनशक्ति र उपकरण परिचालन
काठमाडौँ । भोटेकोशीमा आएको बाढीपछि पृथ्वी राजमार्गअन्तर्गत धादिङको कृष्णभीरमा गएको पहिरो पन्छाउने काम सुरु भएको छ । सडक सञ्चालनलाई प्राथमिकतामा राख्दै पहिरो हटाउने काम तीव्र पारिएको हो ।
पूर्वाधार विकासमन्त्री सुनिल लम्सालका अनुसार पहिरो पन्छाउन दुवैतर्फबाट १८ जना जनशक्ति परिचालन गरिएको छ । उनीहरूले अहिले रुख कटानको काम गरिरहेका छन् । पहिरो हटाउन आवश्यक निर्माण उपकरणसमेत सडकको दुवैतर्फ तयारी अवस्थामा राखिएको जनाइएको छ ।
रुख कटानको काम सकिएलगत्तै निर्माण उपकरण परिचालन गरी पहिरो पन्छाउने काम अघि बढाइने मन्त्री लम्सालले बताए ।
सडकलाई यथाशीघ्र सञ्चालनमा ल्याउन आवश्यक जनशक्ति र उपकरण परिचालन गरेर कामलाई तीव्रता दिइएको उनले जानकारी दिए ।
सम्बन्धित खबर
ट्रेन्डिङ
![बाढीले बगाएर ल्याएको सेफ फोडेर पैसा चोरी आरोपित २९ जना को को ? [नामावली]](https://www.diyopost.com/wp-content/uploads/2026/08/paisa-news-300x157.png)
