महालक्षमी विकास बैंक ‘आइएसओ ९००१-२०१५’ बाट तेस्रो पटक प्रमाणित

काठमाडौँ । महालक्ष्मी विकास बैंक अन्तराष्ट्रिय स्तरमा मान्यता ‘आइएसओ ९००१-२०१५’ बाट लगातार तेस्रो पटक प्रमाणित भएको छ ।
गुणस्तर व्यवस्थापन प्रणालीमा अन्तराष्ट्रिय स्तरको गुणस्तरीय सेवा प्रदान गर्न अब्बल भए बमोजिम बैंक तेस्रो पटक प्रमाणित भएको हो ।

२०८३ श्रावण महिनामा भएको तेस्रो सर्भिलियन्स अडिटबाट  श्रावण ३२ (सन् २०२६ अगष्ट १६) देखी लागु हुने गरी पुन तेस्रो पटक प्रमाणित भएको हो ।

यसअघि बैंकले २०८१ साल श्रावण ३२ गते पहिलोपटक ‘आइएसओ ९००१-२०१५’ प्रमाणपत्र प्राप्त गरेको थियो । त्यसपछि २०८२ साल भदौमा सम्पन्न पहिलो सर्भिलियन्स अडिटबाट समेत बैंक पुनः प्रमाणित हुन सफल भएको थियो ।

बैंकले “Provision of Development Banking Activities” अन्तर्गत प्रमाणपत्र प्राप्त गरेको र यस्तो प्रमाणपत्र प्राप्त गर्नेमा विकास बैंकहरुमा महालक्ष्मी विकास बैंक अग्रणी बैंक बनेको छ ।

अन्तराष्ट्रिय मापदण्ड अनुरुपको बलियो गुणस्तर ब्यवस्थापन प्रणाली कायम गरेका साथै उत्कृष्ट सेवा प्रदान गर्न सक्ने, ग्राहक सन्तुष्टीलाई सुनिश्चित गर्न सक्ने तथा आफ्नो कार्य प्रणालीलाई निरन्तर रुपमा सुधार गर्न सक्ने संस्थाले मात्र यस्तो प्रमाणपत्र प्राप्त गर्न योग्य हुन्छन् । यस प्रमाण पत्र प्राप्तिको लागि यस बैंकको निति, नियम, प्रक्रिया, अभिलेखीकरण तथा समग्र व्यवस्थापन प्रणालीको जाँच तथा विस्तृत अडिट समेत गरिएको थियो ।