पशु चिकित्सक भन्छन्– दुषित मासु खाँदा प्राणघातक रोग लाग्न सक्छ

दियो पोस्ट  

काठमाडौं । दूषित मासु खाँदा झाडापखाला, इकोलाई, क्षयरोग, रेबिज, पीपीआर,ब्रुसेला, एन्था्रस, जुका पर्ने, रगतमासी, चर्मरोग, वान्ता आउने, पातलो दिशा लाग्ने र खान मन नलाग्ने, छाला चिलाउने, फुस्रो हुने, घाउखटिरा आउने र पाक्ने, ब्रेनसिस्ट् दमलगायतका रोग लाग्न सक्ने भन्दै चेकजाँच गरिएका चौपायाको मासु खान आग्रह गरेको छ ।

चेकजाँच नगरी चौपायाको बिक्री गर्दा मानिसमा प्राणघातक रोग सर्न सक्ने सम्भावना रहेको जनाउँदै हाइजेनिका मासु खुवाउन उपत्यका भित्रने पशु चौपायको स्वास्थ्य परीक्षण गरेको हो ।

केन्द्रीय रिफरल पशु चिकित्सालयका पशु चिकित्सक खितबहादुर श्रेष्ठले उपत्यकावासीलाई ताजा मासु खुवाउने रणनीतिसहित पशु चौपायाको स्वास्थ्य परीक्षण गरिएको बताए । उनले भने– ‘हामीले मासु खाँदा लाग्न सक्ने प्राणाघातक रोगबाट नागरिकलाई जोगाउन अनिवार्य स्वास्थ्य परीक्षण सुरु गरेका हौं ।’ परीक्षण नगरेको चौपायको मासु खाँदा डरलाग्दो रोगको संक्रमण बढ्न सक्ने भएपछि राजधानीका बिक्री स्थलमा बढी खसी, बोका, बाख्रा च्याङ्ग्राको चेकजाँच सुरु गरेको जानकारी दिए ।

पशुसेवा विभागले उपत्यकका ११ स्थानमा पशु चौपायाको स्वास्थ्य परीक्षण सुरु गरेको छ । उनका अनुसार बिक्री केन्द्रबाट करिब २५ हजारको संख्यामा पशुचौपायाको स्वास्थ्य परीक्षण गरिसकेको छ । विभागको नेतृत्वमा खटिएका दुई चिकित्कसहित ५ जना प्राविधिक टोलीले कलंकीबाट मात्र दैनिक २ हजारको संख्यामा चौपायाको स्वास्थ्य परीक्षण गरेको छ । विभागले घटस्थापनादेखि पशुचौपायको स्वास्थ्य परीक्षण गरिरहेको छ ।

टोलीले सुरुमा चौपायको ज्वरो परीक्षण गर्ने, त्यसपछि आँखा पाकेको, झाडा पखाला,रेबिज वा अन्य कुनै पनि प्राणघातक रोग लागे वा नलागेको परीक्षण गर्ने र त्यसपछि रोगी देखिएका चौपायाको सिङमा रङ लगाउने गरेको छ । पशु चिकित्सक श्रेष्ठले हालसम्म परीक्षण गरिएका मध्ये कुनै पनि चौपायामा गम्भीर रोग नलागेको जानकारी दिए ।

खाद्य व्यवस्था तथा व्यापार कम्पनीले उपत्यकामा २ हजार खसीबोका १ हजारको संख्यामा च्याङ्गा बिक्री सुरु गरेको छ । पशु स्वास्थ्य विभागले अष्टमीको दिन अर्थात् कात्तिक ५ गते बिहान ७ देखि ११ र दिउँसो ३ देखि साढे ५ बजेसम्म स्वास्थ्य परीक्षण गर्नेछ ।

आजको नेपाल समाचारपत्र पत्रिकामा खबर छ ।