काठमाडौँ । हुम्लाको सिमकोट गाउँपालिका-१ तल्लो सागोमा ट्याक्टर दुर्घटना हुँदा सहचालकको मृत्यु भएको छ । बुधबार साँझ भएको दुर्घटनामा सिमकोट गाउँपालिका-६ निवासी धानुक सुनारको घटनास्थलमै मृत्यु भएको हो ।
जिल्ला प्रहरी कार्यालय हुम्लाका अनुसार चुवाखोलाबाट दोजामतर्फ जाँदै गरेको कर्णाली प्रदेश ०२-००१ त ०१५५ नम्बरको ट्याक्टर ब्रेक फेल भएर दुर्घटना भएको थियो ।
दोजाम निवासी ३० वर्षीय नाकु लामाले चलाएको उक्त ट्याक्टर दुर्घटना हुँदा सहचालक सुनार टायरमुनि परेका थिए । टायरमा परेर गम्भीर चोट लागेका उनको घटनास्थलमै मृत्यु भएको छ । घटनाबारे थप अनुसन्धान भइरहेको प्रहरीले जनाएको छ ।
![EXCLUSIVE : अख्तियार प्रमुख निकट आयुक्त अमात्यले नै प्रदिप अधिकारीसँग ‘घुस’ लिएको खुलासा ! [अडियो]](https://www.diyopost.com/wp-content/uploads/2026/10/cover-Audio-news-300x157.png)
