काठमाडौँ । सिन्धुलीको खुर्कोटमा यात्रुवाहक बस दुर्घटना हुँदा नौ जना घाइते भएका छन् । शुक्रबार गोलञ्जोर गाउँपालिका-७ मा काठमाडौँबाट ओखलढुंगातर्फ जाँदै गरेको बस सडकबाट करिब १० मिटर तल खसेर दुर्घटना भएको हो ।
बा.प्र.०३-००१ ख २७७४ नम्बरको उक्त बस होटलमा खाना खान रोकिएको थियो । खाना खाइसकेपछि यात्रु चढाएर बस ब्याक गर्ने क्रममा सडकबाट तल खसेको प्रहरीले जनाएको छ।
दुर्घटनामा घाइते भएका नौ जनाको खुर्कोटस्थित शुभजीवन अस्पताल र सुनकोसी सामुदायिक अस्पतालमा उपचार भइरहेको छ ।
दुर्घटनापछि उद्धारका लागि इलाका प्रहरी कार्यालय खुर्कोटबाट तत्कालै प्रहरी टोली खटिएको जिल्ला प्रहरी कार्यालय सिन्धुलीले जनाएको छ ।
![EXCLUSIVE : अख्तियार प्रमुख निकट आयुक्त अमात्यले नै प्रदिप अधिकारीसँग ‘घुस’ लिएको खुलासा ! [अडियो]](https://www.diyopost.com/wp-content/uploads/2026/10/cover-Audio-news-300x157.png)
![खगेन्द्र सुनार अडियो प्रकरण : ‘१२ करोडको डिल’, दुबईमा २ अपार्टमेन्ट’ ! [भिडियो]](https://www.diyopost.com/wp-content/uploads/2026/10/khagendra-sunar-cover-300x157.png)